Shumë prej nesh hjekim për ushqim përgjatë verës, meqë nxehtësia e ban t’vehtën dhe vërtetë t’hupë apetiti kur mendon ushqime t’randa e plot yndyrë. BIles, për plot prej nesh, vera ndikon që ne me humbë edhe pak peshë pikërisht për shkak se hajmë ma pak, por edhe hajmë ma shnetshëm e freskët.
Nuk don diskutim që perimet e sezonës, bostani, pjepni e frutat e tjerë zajnë vend dukshëm ma t’madh n’3 mujorin ma t’nxehtë t’vitit, bashk me sallatat e ndryshme. Por a mbahet shpirti veç me sallata? – Mbahet, nëse i gërsheton sallatat me ushqime ma ngopëse sikurse janë pastat – që as nuk ta randojnë fort lukthin, por as nuk ta lajnë thatë, e që edhe pèrshtaten mirë me përbërësit e tjerë. E për me t’bindë që nime asht qashtu, qe ku i ki 7 super receta t’pasta-sallatave verore.
1. Tuna pasta-sallatë
E ke mundësinë me e përgatitë e kërku sallatën ma t’lehtë, ma me shije e ma t’freskët t’pastave me tunë t’cilën e ke hangër najherë e t’cilës i duhet shumë pak harxh e edhe ma pak kohë. Ideale për me u ba kur je përngutë dhe untë, tuna pasta-sallata asht prej atyne gatesave që mundesh me marrë edhe n’punë me vehte e me e hangër për pauzë.
2. Pasta-sallata kapreze
Zbuloje shijen kapreze n’variantin e pasta-sallatës e mos ja ndajë verës t’u e përgatitë pasta-sallatën kapreze; sallatë kjo që ‘pos ideale me u përgatitë si shujtë n’vehte, i shkon shumë edhe festave e ahengjeve t’ndryshme ku ke mysafirë plot e don me i kënaqë me ushqime e gatesa interesante dhe jo t’zakonta.
Mundesh me e lexu edhe...
3. Pasta-sallata italiane
Ndërkaq shijen tipike italiane t’nji sallate me makarona, padiskutimisht që mundesh me e provu me pasta-sallatën italiane, e cila përmbanë krejt çka ni dietë mediterane parasheh n’menynë e vet. E që s’do fjalë që ‘pos pastave kjo sallatë përmbanë super përbërës t’freskët e t’shijshëm, e që nime ta lehtësojnë menaxhimin e t’nxehtit – e dëshmon vet receta, që po e provove nuk e ndrrove ma.
4. Pasta-sallatë me dredhëza
E kjo pjatë i dedikohet atyne që kanë qejf me eksperimentu n’shije dhe që nuk i tuten kombinimit t’frutave me perime, veçanarisht n’sallata. Kështu që, nëse je prej atyre që don me provu diçka t’re dhe freskuese e ngopës, pasta-sallata me dredhëza asht sallata e duhun për ty.
5. Pasta-sallatë greke
Shijen mediterane mundesh me e provu edhe përmes pasta-sallatës greke, sallatë kjo që asht ideale për çdo lloj darke e dreke, por që mundet me u kthy lirisht edhe n’pjatë shoqnuese a paragjellë, sidomos kur gostitë ndonji ndejë a aheng. Pasta dhe perime t’freskët dhe krokante gërshetohen n’mënyrë perfekte me djathin feta – djathë ky që nime i jep ektra shije gjithëçkaje.
6. Pasta sallatë me spinaq
Që spinaqi shkon me pasta e kanë dëshmu dhjetëra receta t’pastave t’nxehta, por, a ke provu ndonjiherë me e bashku spinaqin me pasta t’ftohta, perime dhe djathë e me u shkri me ka krejt? Nëse jo, atëherë dije që ke humbë shumë dhe se asht koha që mos ma vazhdu me e ba nji gja t’tillë tutje dhe se DUHESH me e provu recetën e pasta-sallatës me spinaq; recetë kjo që nuk ka me t’zhgënjy aspak.
7. Pasta-sallatë vegane
Ngjashëm sikurse edhe 6 recetat e lart-përmenduna, edhe pasta-sallata vegane asht pjatë që ish dasht’ t’paktën me j dhanë 1 herë rastin e me provu, pavarësisht se a je apo jo vegan/e. Kështu, kjo pjatë sallate me makarona asht ideale për kando që nuk konsumon produkte shtazore apo ka intolerancë ndaj prodhimeve t’qumështit.
Gjersa t’gjitha sallatat ishin t’përshtatshme për vegjetarianët, ato lehtësisht munden me u kthy edhe n’receta vegane – mjafton me i zavendësu djathnat me produkte vegane ose tofu, apo me i largu nga përgatitja. E mbasi veç jemi te pastat dhe recetat vegjetariane, mos e le pa i provu shpagetat vegjetariane t’cilat edhe mos me kanë vegjetarian kanë me t’pëlqy. Ti poashtu mundesh me i gjetë edhe 3 receta t’pastave t’cilat mundesh me i përgatitë për ndonji darkë a drekë plot me shije. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
