Sallatat e kombinume me pasta janë trend n’rritje e ne po e shohim pse – sepse, po i bashkon 2 t’mira me 1 vend. N’daç pastë, e n’daç sallatë, lehtësisht munden me u kombinu e me e përba nji pjatë plot me shije, por edhe vlera ushqyese (mos i llogarit karbohidratet, por vitaminat). Kështu, listës së 7 pasta-sallatave plot shije po ja shtojmë familjes t’pasta-sallatave edhe nji recetë vegane.
Nuk don diskutim që perimet e sezonës e sallatat e ndryshme janë t’domosdoshme për me i marrë vlerat e nevojshme ushqyese. Por a mbahet shpirti veç me sallata? – Mbahet, nëse i gërsheton sallatat me ushqime ma ngopëse sikurse janë pastat – që as nuk ta randojnë fort lukthin, por as nuk ta lajnë thatë, e që edhe pèrshtaten mirë me përbërësit e tjerë. E për me t’bindë që nime asht qashtu, qe ku e ke recetën vegane t’pasta-sallatës mikse.
PËRBËRËSIT PËR SALLATË:
1 paketim pasta Farfalle
2 domate (t’prera n’copë)
1 kungulleshë e njomë (e prerë n’copë)
1 kungulleshë e gjelbërt (e prerë n’copë)
1 brokoli (i prerë n’copë)
1/2 qepë e kuqe (e prerë n’copë)
2 speca t’kuq t’pjekun dhe t’qërum (t’prerë n’copë)
1/2 tugë magdanoz (i grirë)
Mundesh me e lexu edhe…
PËRBËRËSIT PËR DRESSING:
1/2 gotë vaj ullini
1/3 gotë uthull vere t’kuqe
1 lugë gjelle mustardë / senf
1 lugë gjelle oregano
1 thelb hudhër (e grirë imët)
1 lugë çaji kripë
1/2 lugë çaji biber i zi
HAPI 1:
N’enë t’thellë shto përbërësit e dressing-ut dhe me tel për përzirje përziji deri sa t’krijohet nji masë e njitrajtshme.
HAPI 2:
Ziji makaronat n’ujë me kripë për 10 minuta dhe kulloji mirë.
HAPI 3:
Preji domatet, specat e pjekun dhe kungulleshat n’copë mesatare.
HAPI 4:
Copëto edhe brokollin si dhe preje qepën e kuqe n’fije t’holla.
HAPI 5:
N’nji enë shto pastat, perimet dhe shto gradualisht dresingun dhe përziji t’gjithë përbërësit mirë. Vendose pasta-sallatën n’frigorifer me u ftohë për 20-30 minuta dhe servo.
REZULTATI:
Servoje pasta-sallatën mikse qoftë si pjatë kryesore apo edhe si paragjellë apo pjatë shoqnuese n’çfarëdo mbledhie, veçanarisht kur organizon ditëlindjet, festat e ahengjet familjare. Poashtu, meqë asht sallatë e ftohtë, mundesh me përgatitë ma shumë e pastaj me e rujtë pjesën e mbetun n’frigorifer. Kësisoji 3-4 ditë mundesh me e konsumu sallatën, besa edhe me e marrë me vehte n’punë për pauzë.
E mbasi veç jemi te pastat – mos e le pa i provu pastat pranverore (primavera), pastat me tomatina t’pjekuna, ose shpagetat vegjetariane t’cilat edhe mos me kanë vegjetarian kanë me t’pëlqy. Kurse, nëse je ka don sallatë t’mirë e jo t’zakontë me provu, atëherë përgatite sallatën krokante me qiqra, sallatën mediterane me patate, ose kuskusin mediteran me karkaleca – t’3 këto sallata t’mbushuna plot me shije. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
