Nanat çdoherë kanë thanë, am’ ide qysh me ja lanë emnin drekës, se mandej bahet vet. Tash që jemi rritë e po na bjen vet me përgatitë, po i kuptojmë shumë mirë pse e kanë thanë nji gja t’tillë, sepse nime po asht problem me ardhë me ide për gatesa, sidomos kur asht fjala për drekë ose darkë.
Gjoksi i pulës me mini-lakra (lakra Brukseli) dhe patate t’ambel, asht pjata t’cilën po ta rekomandojmë n’daç me hangër mirë, me u ngi e mos me u lodhë shumë t’u përgatitë. Poashtu, kjo recetë asht shumë e përshtatshme për kando që ruhet pak n’ushqim e ka nevojë me marrë shujtën me vehte n’punë.
PËRBËRËSIT:
600 gr lakra Brukseli
1 patate e ambël (sweet patato)
3 lugë vaj ullini
1/4 lugë kripë
1/4 lugë piper
2 gjoksa pule
Kripë e biber i zi (Opsional)
2 lugë erëza t’përziera (vegetë, biber i kuq, oregano, hudhër pluhun, biber i zi)
1 lugë gjelle gjalpë
Mundesh me e lexu edhe…
HAPI 1:
Nxeje furrën n’200ºC. Shpëlaji lakrat e Brukselit dhe i preji përgjysmë. Vendosi n’tepsi me letër për gatim, shto 1 lugë vaj ullini sipër e masazhoji dhe shto pak kripë e biber t’zi. Laje 1 patate t’ambël mirë, preje n’mes e me piru shpo sipërfaqen e lëvores. Shto 1 lugë vaj e masazhoji patatet e vendosi n’tepsi me lakrat.
HAPI 2:
Vendosi perimet n’furrë e pjeki për 20 minuta. Pas 20 minutash, përziji lakrat pak e riktheji n’furrë për 10-15 minuta t’tjera (derisa lakrat t’jenë skuq. Nëse patatja e ambël nuk asht zbutë sa duhet – largo lakrat dhe pjeke pak ma gjatë pataten (por, nuk ish dashtë me zgjatë pjekja ma shumë se 5 minuta t’tjera).
HAPI 3:
Ndërkohë që perimet po piqen, përgate gjoksin e pulës. Kombino erëzat n’nji enë. Lyeji gjokset e pulës me përzierjen e erëzave e masazhoji mirë.
HAPI 4:
N’tigan shto 1 lugë vaj ullini e nxeje tiganin n’temperaturë mesatarisht t’ulët. Kur t’nxehet vaji e tigani, shto gjokset e pulës dhe pjeki nga 8-10 minuta në secilën anë (derisa t’skuqen mirë). Mos harro se koha e gatimit dallon varësisht se sa i trashë asht gjoksi i pulës.
HAPI 5:
Transfero gjokset e pulës n’nji dërrasë prerëse. Leji me pushu 5 minuta e mandej preji në rriska.
HAPI 6:
Preji gjysmat e patates t’ambël n’gjysmë dhe krijo 4 pjesë. Ndaji patatet e ambla, lakrat dhe pulën e prerë n’feta n’4 pjata ose enë qelqi (nëse don me i marrë t’nesërmen n’punë. Shto nga nji copë gjalpë n’secilën pjesë t’patates. Servo menjiherë ose ruji n’frigorifer (qëndrojnë t’freskëta për 4 ditë).Kësisoji mundesh me i marrë me vehte n’punë, me i hangër edhe gjatë ditëve t’tjera apo edhe me i konsumu për darkë.
E mbasi veç jemi te recetat me pulë e perime, mos e le pa i provu edhe Fajitat me pulë dhe perime, ose Sanduiçin e pulës n’petë – receta këto t’cilat mundesh me i përgatitë n’4 hapa t’thjeshtë e besa edhe me i marrë me vehte n’punë. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
