Sado që fëmijët prapë ma tepër i preferojnë frutat sesa perimet, prapë shumë prindër bijnë n’gazep me i bind fëmijët me i konsumu ato. Për qata 3 ide interesante që i shtijnë fëmijët me hangër fruta ma shumë, pjatat me zogj prej frutave, apo edhe 3 pjatat me drunj prej frutave janë tregu metoda efektive për me i nxitë vocërrakët me i fshi pjatat.
Njilloj sikurse t’kemi furnizu me ide se qysh me i prezantu frutat si bredha, n’periudhën e festave t’fundvitit, tash po t’i jepim 3 ide se qysh me i prezantu perimet dhe frutat si babadimër, n’mënyrë që fëmijët me ta fshi secilën pjatë pa përtesë.
1. BABADIMËR-MEZE PËR FËMIJË
Kjo pjatë, ose ndryshe e cilësume prej nesh si meze e fëmijëve pos që po duket shumë interesante e sigurtë i gëzon picimulët, përmbanë edhe vlera t’shumta ushqyese falë perimeve t’shumta që ka. Mundesh me e përdorë lulelakrën e brokollin e zier, apo edhe t’freskët për me e kriju mjekrrën e babadimrit (me lulelakër), me i pre specat e kuq t’fije e me i dhanë kapelës formë, me vendosë tomatina dhe ullinjë për me e kompletu veshjen e babadimrit, si dhe djathë mocarella për me e kufizu kapelën. Ndërkaq për fytyrë, nji pjatë e mbushun me humus e sipër e lulume me perime – e kompleton pamjen simpatike t’babadimrit. keksat e njelbët poashtu mundesh me ja bashkangjitë kësaj pjate plot vitamina e shije.
Mundesh me e lexu edhe…
2. BABADIMR-PJATË / MES-SHUJTË
Kokoshka dhe dredhëza janë përbërësit kryesor për babadimër-pjatën ma t’lehtë e t’shnetshme që naj fëmijë mundet me e hangër. Ma e mira asht që shumicës t’fëmijëve ju pëlqejnë edhe dredhëzat, edhe kokoshkat – andaj, e ke t’sigurtë që pjata hahet sa hap e mbyll sytë. Mjafton me e mbulu dërrasën për prerje / meze me kokoshka e me lanë n’mes hapësirë për fytyrën e plakushit t’fundvitit, me i pre dredhëzat n’gjysmë e me i vendosë n’formë kapeleje dhe me shfrytëzu ndonji marshmallow a llokum për me e kriju topthin e kapelës. Kurse për sy, boronicat dhe mjedrrat t’kryjnë punë sa t’dush.
3. BABADIMËR-SALLATË
Kjo pjatë asht nji mundësi e mirë për ty me i shti fëmijët me i hangër perimet, anipse nashta n’kushte e rrethana t’tjera nuk i kishin hangër. Shfrytëzo tomatina, karrota dhe lulelakër e speca për me e kriju nji babadimër simpatik, njilloj t’u i ndjekë udhëzimet e përmenduna edhe n’shembullin e parë. E për me e ba edhe ma interesante për picimulët këtë pjatë, preji disa prej perimeve n’forma t’ndryshme sikurse n’formë ylli a zemre, që me i nxitë edhe ma tepër, e shoqnoji ato me sosin e famshëm grek – Tzaziki.
Kije parasyshë që këto ide janë jo domosdoshmërisht ke nevojë me i kombinu ashtu sikurse i kemi pasqyru. Ndjehu i/e lirë me ja përshtatë harxhit që e ke. E edhe ma mirë e ma lezetshëm asht nëse këto pjata i realizon bashk me fëmijët. Kësi soji ata edhe mësohen me përgatitë ushqim, kënaqen e përjetojnë gëzim, e rrjedhimisht edhe ma me qejf e hajnë ushqimin. Madje bashk me ta, ti mundesh me i kriju edhe pallomat n’formë bredhi, ose me njanën prej 3 pjatave festive që duken sikurse “Candy Cane” – që tybe, t’madhit e t’voglit ja kënaqin synin e e shtijnë me lakmu e hangër.Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
