Sado që fëmijët prapë ma tepër i preferojnë frutat sesa perimet, prapë shumë prindër bijnë n’gazep me i bind fëmijët me i konsumu ato. Për qata 3 ide interesante që i shtijnë fëmijët me hangër fruta ma shumë, pjatat me zogj prej frutave, apo edhe 3 pjatat me drunj prej frutave janë tregu metoda efektive për me i nxitë vocërrakët me i fshi pjatat.
Kësaj radhe kemi vendosë me t’furnizu me ide se qysh me i prezantu frutat si bredha, n’mënyrë që me ua ba interesant vocërrakëve ushqimin, duke e shfrytëzu periudhën e festave t’fundvitit për inspirim maksimal. E shembujt janë aq t’thjeshtë me u kuptu, sa t’njejën gja mundesh me përgatitë edhe me perime apo fruta ndryshe prej këtyre që po i shfaqim ne.
1. BREDH MANDARINASH
Ndoshta fëmijut tand nuk i interesojnë benefitet që kemi nëse hajmë mandarina, e as t’mirat shëndetësore që i ka shega, por ti mundesh lehtësisht me e shti atë me e hangër nji pjatë plot vitamina e fruta lehtësisht. Mjafton me i qëru mandarinat, me i renditë n’formë bredhi copat dhe sipër me ju vendosë kokrra shege, që aludojnë n’topa bredhi.
2. BREDH KASTRAVECI
Edhe kastravecat mundesh lehtësisht me i kthy n’ushqim interesant. Mjafton me i pre n’rriska, me i renditë n’formë trekandëshi e me ju vendosë sipër shegë, mundesh edhe kokrra misri dhe me i shtu pak qepë t’reja t’grira imët. Me pak trup kastraveci mundesh me kriju edhe trungun e bredhit, kurse me lëvore limoni mundesh me kriju nji yll dekorativ. Anash mundesh me ua servu picimulëve edhe nji sos t’freskët Tzaziki (sos grek).
3. BREDH MOLLE
Se nji mollë n’ditë i thotë doktorrit ik – dihet, e ti fëmijun mundesh me e mbajtë larg mjekut duke ja servu 1 a 2 molla n’formë bredhi. Mjafton me i pre ato n’rriska, me i radhitë n’formë trekandëshi, e me i shoqnu me mjedrra, shega, boronica e fruta t’tjerë mali. Nji keks i çfarëdoshëm mundet me u përdorë si trung për bredhin.
4. BREDH KIVISH
Përfitimet shëndetësore t’kivit janë edhe nji arsye ma shumë pse ti duhesh me ja ofru fëmijut kivin për me e konsumu n’mes t’shujtave. Andaj kjo pemë prej kivi, shege e shtapiqave asht ideale. Preje kivin n’rriska e krijo nji trekandësh me të. Sipër vendos tufa t’vogla shege dhe vnedos shtapiqat për me i dhanë trup bredhit. Tokën poashtu krijoje prej shegave.
Këto janë vetëm disa ide t’cilat jo domosdoshmërisht ke nevojë me i kombinu ashtu sikurse i kemi pasqyru. Shfrytëzoji këta shembuj si shabllon n’t’cilin bazohesh me i dhanë trup pjatës, por ndjehu i/e lirë me ja përshtatë harxhit që e ke.
E meqë jemi tek festat e fundvitit, mos e le pa i gëzu ma t’vegjlit e tu e t’familjes me pallomat n’formë bredhi, ose me njanën prej 3 pjatave festive që duken sikurse “Candy Cane” – që tybe, t’madhit e t’voglit ja kënaqin synin e e shtijnë me lakmu e hangër. E picimulëve (bashk me ty) veç ju boftë mirë! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria