Burrata sallatë me pjeshkë, për 1 drekë plot shije, t'shpejtë e t'thjeshtë

Kushdo që asht merakli i ushqimit e kupton merakun për me e zbulu nji recetë t’re, autentike e interesante që rrallëkush e përgatitë, por që përgatitet lehtë. E ne jemi pikërisht nga ata njerëz që nuk pritojmë hiç me gjetë receta t’tilla, sidomos nëse janë t’shijshme, t’shëndetshme dhe ekonomike. Andaj, edhe kësaj radhe kemi ardhë me nji t’tillë.

Contents

Nëse je merak n’sallata që gërshetojnë n’mënyrë perfekte shijet e ambla me ato t’njelbëta dhe acidike, e je n’kërkim t’recetave t’reja, atëherë e ke mundësinë me e mësu nji super-recetë t’freskët italiane t’burrata sallatës me pjeshkë – sallatë kjo e t’lehtë me u përgatitë, por edhe fort e shijshme dhe që mundesh me e pasë gati brenda pak minutash, me shumë pak harxh e veç n’2 hapa t’thjeshtë.PËRBËRËSIT PËR SALLATË:PËRBËRËSIT PËR DRESSING:HAPI 1:HAPI 2:REZULTATI:

Nëse je merak n’sallata që gërshetojnë n’mënyrë perfekte shijet e ambla me ato t’njelbëta dhe acidike, e je n’kërkim t’recetave t’reja, atëherë e ke mundësinë me e mësu nji super-recetë t’freskët italiane t’burrata sallatës me pjeshkë – sallatë kjo e t’lehtë me u përgatitë, por edhe fort e shijshme dhe që mundesh me e pasë gati brenda pak minutash, me shumë pak harxh e veç n’2 hapa t’thjeshtë.

PËRBËRËSIT PËR SALLATË:

400 gr rukollë
1/2 qepë e kuqe (e prerë n’fije t’holla)
200 gr tomatina (t’prera n’mes)
1 pjeshkë (e prerë n’rriska)
100 gr djathë burrata (i copëtuar / fijezuar )

PËRBËRËSIT PËR DRESSING:

1/2 gotë vaj ullini
1/4 gotë uthull balsamike të bardhë
2 lugë çaji mustardë / senf
1 lugë çaji mjaltë
Kripë dhe biber i zi (Opsionale)

HAPI 1:

N’nji enë t’vogël shto t’gjithë përbërësit e dressing-ut dhe përziji ato mirë mes vehte deri sa t’krijohet nji masë e njitrajtshme.

- ADVERTISEMENT -

HAPI 2:

N’nji enë t’madhe e t’thellë shto rukollën, perimet dhe pjeshkën e përziji mirë. Gradualisht shtoja dressing-un sallatës dhe servoje n’pjatën që don, duke ja shtu krejt n’fund copëzat e shprishuna t’burrata-s.

REZULTATI:

Shijoje këtë super-sallatë me nji gotë venë t’bardhë ose rose përgjatë mbramjeve simpatike, apo edhe si shujtë dreke a darke kur nuk din çka me hangër dhe ke qejf me e shiju secilën kafshatë.

Mos harro që nji sallatë si kjo i shkon shumë edhe gostive e ahengjeve ku ke ma shumë t’ftum., veçanarisht nëse don me ju lanë përshtypje me shije t’reja, unike e kombinime jo fort t’zakonta.

E mbasi veç jemi te sallatat interesante dhe unike kurdo që je n’disponim, mos e le pa e provu edhe pasta-sallatën me dredhëza, sallatën me sos tahini, panzanella-n (sallatën krokante italiane), ose sallatën me tortellini; receta këto ideale për periudhën pranverë-verë e që definitivisht kanë me t’pëlqy shumë. Shijo! /katror.info/