Kur flasim për gjanat e mira e t’shijshme, s’mundemi pa i përmend çorbat e gjellërat e ndryshme. Mirëpo, jo çdo recetë arrin me ofru rezultatet dhe me i tejkalu pritshmëritë e shumicës, ama ne jemi siguru me e ba nji gja t’tillë kësaj here, sikurse edhe shumë hera t’tjera. Kështu, nëse veç je ka i shqyrton opsionet se çka me përgatit për drekë a darkë, ne e kemi nji super-recetë për ty edhe jemi t’bindun që po e provove, ke me e përgatitë ma shpesh se sa që mundet me ta marrë mendja.
Ideale për drekë a darkë, çorba e pasulit me mish t’pulës asht e pasun me vlera ushqyese t’bollshme, por asht edhe plot shije. Përzierja e pulës t’copëtume me fasulet, krem-djathin e krem-qumështin dhe erëzat ta krijon nji pjatë t’nxehtë unike e që s’don shumë mund. E nëse don me ta fshi edhe tjerët pjatën deri n’fund, mjafton me i ndjek hapat e maposhtëm.
PËRBËRËSIT:
1 qepë (e imtësuar)
4 thelpinj hudhra (t’imtësuara)
1 spec i gjelbër i djegës (i imtësuar)
1 lugë gjelle vaj ullini
700 gr kofshë pule t’pastrume prej eshnave dhe lëkurës
200 gr pasul t’bardhë t’konservum (i kulluar)
200 gr pasul t’kafët t’konservum (i kulluar)
2 lugë gjelle oregano
1 lugë çaji biber i kuq
1 lugë e mesme kurkumë / shafran
1 lugë çaji hudhër pluhur
1 lugë çaji biber i zi
700 ml supë pule (ujë + 2 kube supë pule)
1 gotë misër i ngrirë
200 gr krem-djathë
1/2 gotë krem-qumësht
Mundesh me e lexu edhe...
HAPI 1:
Shto vajin n’tenxhere t’thellë e pastaj shto qepën, specin dhe hudhrat e grira. Kavërdisi ato për 5 minuta.
HAPI 2:
Shto sipër perimeve t’zuutuna erëzat, pasulat e konservum, kofshët e pulës dhe supën e përgatitun me kubëza supe.
HAPI 3:
Zije pasulin me pulë për 30 minuta.
HAPI 4:
Largo pulën e imtësoje me piru n’fije t’holla e ktheje prap n’tenxhere bashk me misrin.
HAPI 5:
Shto krem djathin, përzije supën mirë e pastaj shto edhe krem-qumështin e zije çorbën për 5 minuta t’tjerë.
HAPI 6:
Largo tenxheren prej shporetit pasi t’jetë trashë pak çorba dhe servo.
REZULTATI:
Servoje çorbën me pak kashkavall dhe magdanoz t’freskët sipër e shoqnoje me tortilla t’pjekuna, bukë ose pitalka t’nxehta, apo edhe me krutonë (copëza buke bajate t’rreshkuna n’furrë).
E mbasi veç jemi tek qorbat plot shije, mos e le pa e provu çorbën me thjerrëza dhe kërpudha, çorbën e pulës me thjerrëza, ose çorbën me perime – e cila asht plotësisht vegjetariane/vegane.
Ndërkaq, masi veç jemi tek recetat me pulë, ne t’rekomandojmë me i përgatitë edhe shnicllet e pulës ose qoftet e pulës; 2 receta këto që kombinohn perfekt me patatet e mbushura me kashkavall, ose me perimet e pjekuna n’furrë. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
