E ka njeri nganjiherë nji fazë ku priton me dal t’premten nëpër kafiqa. Javët shpesh po janë t’stërngarkume me angazhime prej ma t’ndryshmeve edhe nime kur po bahet e premte, menzi po pret me pushu n’shtëpi. Ama kjo nuk do me thanë që ke nevojë me e ndërpre hobin tand – pijen – përkundrazi, qejfin vehtës duhesh me ditë me ja ba edhe n’shtëpi, besa mundesh me i thirrë shoqninë e ngushtë me t’ba shoqni e me ja shtre llafit për qejfi.
Nëse ke merak me pi, me përgatitë, por edhe me provu receta t’koktejeve t’ndryshme, atëherë ky artikull asht ideal për ty, meqë kësaj radhe po i ndajmë udhëzimet për nji prej koktejeve ma t’famshme e ma t’pëlqyshme t’shumëkujt; Martini–n; koktell ky fort i lehtë me u përgatitë e servu gjatë netëve kur priton me dal, por ke merak me pi.
PËRBËRËSIT (servimi për 1):
60 ml Gin (Gjin)
15 ml Dry Vermouth (Vermut i thatë)
2-3 ullinj t’gjelbër
1 shkopth dekorativ për koktella / rrëmojëse
3-4 copa akull
Mundesh me e lexu edhe…
HAPI 1:
Shto gin-in dhe vermouth-in e thatë n’shaker bashk me copëzat e akullit e tundi deri sa t’ftohet gota (dikur rreth 30 sekonda). Nëse nuk ke shaker, atëherë vendosi përbërësit n’1 gotë t’thellë bashk me akuj, e përziji me lugë a shtagë për 30 sekonda.
HAPI 2:
Merre gotën e martinit, kulloje miksin ngadalë n’gotë, por sigurohu mos me i shtu copëzat e akullit, meqë Martinii nuk shërbehet me akull. Vendos n’gotë 2 ose 3 ullinjë t’ngulun n’shkoptha dekorues t’drunit, plastikës a metalit e servo.
REZULTATI:
Shijoje këtë koktell n’shoqninë e ma t’dashtunve t’tu bashk me ullinj e pak meze; tomatinat e mbushuna me djathë, brusketat klasike, apo shkopthat prej kashkavalli t’cilat mundesh me i shoqnu me sosat tanë t’mezeve janë vetëm disa nga sygjerimet tona.
E n’e paqe nda mendjen me eksperimentu me pije e kokteje, përpos këtij koktelli plot shije, t’i mundesh me e përgatitë edhe koktellin meksikan “Strawberry Margarita”, koktellin e njohun si “Amaretto Sour”, koktellin “Vodka Pineapple”, koktellin “Cosmopolitan”, apo edhe nji Gin ‘n’ Tonic sipas recetës sonë klasike.
E meqë je merakli/ke i/e pijeve alkoolike, e ke rastin me e mësu se cilat janë 5 faktet ma interesante për Vodkën, 5 faktet ma interesante për verërat si 7 faktet ma interesante për meraklitë e birrave. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
