Para pak ditësh pamë postimin që e inspiroi këtë artikull dhe recetë. Bahet fjalë për nji prej postimeve t’funda t’njanit prej pub-eve ma t’mira t’Prishtinës; MIQT PUB – ku shihet fotografija e nji koktelli me mbishkrimin fort joshës: Jepjani ni shansë këtij koktelli – Amaretto Sour.
E ne si merakli t’pijes e t’dalmeve t’fundjavës, me patjetër që e kemi sosë me dal e mos me t’ja nda pijes n’këtë super vend që ofron jo veç pije t’mira, por edhe atmosferë t’shyhretshme e muzikë t’mirë.
Kurse për ty që nuk mrrinë me dal këtë t’premte a t’shtune, apo që po priton me livritë prej shtëpisë, e kemi gjetë recetën e Amaretto Sour-it ma t’mirë që mundesh me e përgatitë n’shpi, veçanarisht nëse je n’tripa t’miksologjisë. Mjafton me i ndjekë 3 hapa t’thjeshtë e me e kënaqë shpirtin me nji super-koktell sikurse ky i joni.
PËRBËRËSIT:
1 e bardhë e vesë
50 ml Amaretto
25 ml Burbon
30 ml lang limoni
30 ml sirup i thjeshtë (ujë dhe sheqer / simple syrup)
Lëvore limoni (për zbukurim)
Qershi dekoruese (për zbukurim)
HAPI 1:
Shto t’bardhën e vesë bashk me sirupin dhe pijet alkoolike n’shaker dhe shkundi për 15 minuta.
HAPI 2:
Shto pastaj 3-4 kube akuj dhe shkunde masën n’shaker për 30 sekonda t’tjerë,
HAPI 3:
Kulloje amaretto sour-in prej shaker-it n’gotë ngadalë. Normalisht ish dashtë n’fund me t’u kriju nji shtresë kremoze/shkume prej t’bardhës t’vesë, e që i jep edhe ma shumë shije koktellit. Mos harro me i shtu dekoret n’rrëmojse e me i vendosë sipër gotës. Servo.
REZULTATI:
O qaty ku o shoqnia e neja e mirë (Miqt pra) , o te shpija, ti qejfin nuk ke pse me ja prishë vehtës. Kuptohet se gjithëçka shijon ma shumë e ma mirë kur je jasht, po n’e paqe nda mendjen me nejt mrenda, përpos këtij koktelli plot shije, t’i mundesh me ja ndreçë vehtes nejën n’shtëpi edhe me shkopthat prej kashkavalli e me i shoqnu me sosat tanë t’mezeve.
E meqë veç jemi te koktejet, mos e le pa e provu edhe recetën tonë t’Vodka Pineapple. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria