Ka shumë arsye për me ju gëzu t’premteve, e nji ndër mënyrat ma t’mira asht t’u e qarrosë vehtën me nji Gin & Tonic. Për me ja ba këtë qejf vehtës, ose duhesh me dal, ose me maru n’shpi. Ne po ta rekomandojmë opsionin e dytë n’rast se t’parin nuk mundesh me ba. Edhe mos ta ndinë, se nuk ta kemi kompliku aspak, përkundrazi ta kemi thjeshtëzu n’pesë hapa super t’thjeshtë.
Mbaje n’mend: Gin & Tonic-u i mirë, nuk asht i vështirë!
1. Zgjedhe gotën
Zgjedhja e gotës asht e randësishme për dy arsye: Ta kënaqë synin edhe ta ndreçë disponimin. Nëse ke gotë që estetikisht t’pëlqen me servu pije n’to – përdore! Jeta asht shumë e shkurtë për mos me ja ba qejfin vehtës.
2. Shto akull
Akulli asht element plotësues për shumicën e koktejeve. Sa ma shumë akull që përdorë – aq ma mirë, sepse, pija mbahet e ftohtë për ma gjatë e edhe akulli shkrihet me nji ritëm ma t’ngadalshëm.
Tre deri n’katë kube akulli për gotë janë tamam.
3. Shto Gin-in
Sipër akullit shto 40 ml Gin. Me një lugë a shtagë përzije pak masën; kjo e ndihmon edhe Gin-in me u ftohë pak. Këshillë – nëse je njeri i tahminit, kujto që 1/3 e gotës me e mbush me Gin, e 2/3 Tonic, për me pas’ nji mix që nuk asht aqi rand sa me t’trullavë, por as i lehtë që mos me t’qejfleisë.
4. Shto Tonic-un
Mbushe pjesën tjetër t’mbetun t’gotës me Tonic. Mundesh me përdorë tonic-un klasik, apo tonic me shije portokalli, grapefruit-i ose trëndafili.
5. Shto limetat (Lime-at)
N’fund krejt çka t’ka mbetë, asht me i shtrydhë pak e me i vendosë sipër dy rriska limetë. Lirisht shtoji edhe copëza tjera frutash ose edhe mentë sipër, nëse t’shijon ma shumë. Shijo!
DISA KËSHILLA:
Versioni ma i pranueshëm e ma klasik i nji Gin & Tonic-u ka katër përbërës: Gin, Tonic, Akull dhe Limeta. Megjithatë, kjo s’do me thanë që duhet me u kufizu veç në këta përbërës. E pimja asht për qejf, e lirisht banja qejfin vehtës t’u eksperimentu.Nëse je ka e pytë vehten se çfarë Gin-i me përdorë, qe disa sygjerime: Gordon’s Gin (pos versionit klasik t’Gin-it, ofron edhe Gin me shije t’tjera edhe jo fort i shtrejtë), Hendrick’s Gin (asht prej klasikëve, pak ma i kushtueshëm, por ja vlenë) dhe Beefeater Gin (njejtë si Gordon’s, vjen në disa variante dhe nuk kushton shumë). Kurse për Tonic, Schweppes dhe Fentimans janë dy brende t’cilat gjenden n’tregun tonë e që t’kryjnë punë sa t’dush. S’do me thanë që opsione t’tjera nuk vyjnë, por, këto na u ranë ndërmend.
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram: https://www.instagram.com/gurmaneria/