Sado që fëmijët prapë ma tepër i preferojnë frutat sesa perimet, prapë shumë prindër bijnë n’gazep me i bind fëmijët me i konsumu ato. Për qata 3 ide interesante që i shtijnë fëmijët me hangër fruta ma shumë, pjatat me zogj prej frutave, apo edhe 3 pjatat me drunj prej frutave janë tregu metoda efektive për me i nxitë vocërrakët me i fshi pjatat.
Kësaj radhe kemi vendosë me t’furnizu me ide se qysh me i prezantu frutat si kafshë n’pjatat e ma t’vegjëlve, n’mënyrë që me ua ba interesant shujtën. E shembujt janë aq t’thjeshtë me u kuptu, sa t’njejën gja mundesh me përgatitë edhe me perime apo fruta ndryshe prej këtyre që po i shfaqim ne.
1. DELE PREJ MOLLËS DHE BANANES
Kjo pjatë po që ka me ta shti secilin fëmijë me i hangër mollat, anipse atyre nuk ju intereson shumë fakti që 1 mollë n’ditë i thotë doktorrit ik. Mjafton me e pre bananen n’rriska e me ja kriju trupin dhe frizurën deles, kurse me mollë me e ndërtu fytyrën e lumtun t’saj me pak premje. Edhe kambët lehtësisht mundesh me i nxjerrë prej copëzave t’mollës. Njilloj mundesh me përdorë edhe fruta t’tjerë sikurse dardha, pjeshka, nektarina – për raste t’tjera.
Mundesh me e lexu edhe...
2. FAZAN PREJ FRUTAVE
Kjo ide len mjaftueshëm hapësirë që me mujt me shfrytëzu maksimalisht fruta, varësisht prej çka t’qëllon afër. Mandarina, banane, kumbulla, dardhë janë përdorë me e realizu këtë figurë fazani, por kjo nuk do t’thotë që nuk mundesh me i vogru t’voglit a t’voglës tande edhe fruta t’tjerë. Madje, edhe lëvoret e mandarinës mundesh me i shfrytëzu për me e kompletu pamjen e fazanit; mjafton me thikë me i nxjerrë kambët e sqepin. Ndoshta fëmijut tand nuk i interesojnë benefitet që kemi nëse hajmë mandarina, apo benefitet që ka bananja, por ti mundesh me e kuptu e me ja shishmu vogëlushit/es tand/e këtë gja.
3. GJIRAFË PREJ MOLLËS DHE BANANES
Njilloj sikurse rekomandimi jonë i parë, edhe kjo recetë mundet me u kriju lehtësisht me 1 mollë dhe q1 banane. Mjafton me i pre mollat n’rriska e me i radhitë n’pjatë n’vend t’shkurreve, bananen me e shfrytëzu për qafën e gjirafës dhe me pak prerje me e kriju kokën e gjirafës. Natyrisht as detajet nuk kanë qysh me mungu, me lëvore t’mollës apo ndonji fruti tjetër, mundesh me i shtu larat e gjirafës dhe me i dhanë “qehre” fytyrës. Farat e lulediellit janë opsionale, por ti mundesh edhe mjedrra me i shtu n’vend t’luleve po deshe.
4. LUAN PREJ PORTOKALLI E KARROTE
Preji karrotat n’fije për me e kriju “frizurën” e luanit, kurse portokallin preje n’rriska. Sigurohu që lëvoret me i shfrytëzu me i kriju bishtin dhe kambët, kurse me karrota mundesh me i ba musteqet dhe hundën. Boronica, mjedrra apo edhe shega mundesh me përdorë për me i kriju sytë.
Këto janë vetëm disa ide t’cilat jo domosdoshmërisht ke nevojë me i kombinu ashtu sikurse i kemi pasqyru. Shfrytëzoji këta shembuj si shabllon n’t’cilin bazohesh me i dhanë trup pjatës, por ndjehu i/e lirë me ja përshtatë harxhit që e ke. E picimulëve veç ju boftë mirë! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
