Sallatat e kombinume me pasta janë trend n’rritje e ne po e shohim pse – sepse, po i bashkon 2 t’mira me 1 vend. N’daç pastë, e n’daç sallatë, lehtësisht munden me u kombinu e me e përba nji pjatë plot me shije, por edhe vlera ushqyese (mos i llogarit karbohidratet, por vitaminat).
Sallata klasike e makaronave, apo edhe pasta sallata greke, nuk po mbesin sygjerimet e vetme t’kategorisë (sallatë + makarona), meqë ne po ua bashkojmë edhe simotrën; pasta-sallatën kapreze. 2 hapa super t’thjeshtë e pak përbërës janë ma se t’mjaftueshme për me e kompletu nji pjatë plot me shije.
Mundesh me e lexu edhe…
PËRBËRËSIT:
1/2 paketim farfalle t’ziera (pasta n’rofmë kurdeli)
150 gr tomatina (t’prera n’gjysmë)
150 gr domate t’thata (t’prera)
3 lugë gjelle vaj ullini
3 lugë gjelle uthull balsamike
1 lugë gjelle oregano
1 lugë çaji magdanoz
1/2 lugë çaji kripë
80 gr spinaq i njomë
20 gr borzilok i freskët
150 gr mocarella (e prerë n’kube)
HAPI 1:
Ziji makaronat n’ujë me kripë sipas përshkrimit n’paketim. Kulloji, shpërlaji me ujë t’ftohë dhe kulloji edhe nji herë mirë.
HAPI 2:
N’nji tegëll shto vajinm uthullën balsamike dhe erëzat. Mbylle tegllën, shkunde mirë deri sa t’krijohet nji masë e njitrajtshme.
HAPI 3:
N’nji pjatë t’thellë shto tomatinat, spinaqin e borzilokun dhe mocarellën e prerë n’kube.
HAPI 4:
N’pjatën me përbërësit e tjerë shto pastat dhe dresingun prej vajit, uthullëa dhe erëzave. Përziji t’gjithë përbërësit mirë dhe servo.
REZULTATI:
Servoje pasta sallatën kapreze si pjatë kryesore apo edhe si paragjellë apo pjatë shoqnuese n’çfarëdo mbledhie, veçanarisht kur organizon ditëlindjet, festat e ahengjet familjare. Poashtu, meqë asht sallatë e ftohtë, mundesh me përgatitë ma shumë e pastaj me e rujtë pjesën e mbetun n’frigorifer. Kësisoji 2-3 ditë mundesh me e konsumu sallatën, besa edhe me e marrë me vehte n’punë për pauzë. Mjafton që sallatës mos me ja shtu dresingun n’fillim. Pra, me e rujt’ sallatën n’frigorifer pa dresing, e me ja vendos dresingun kurdo që e han.
E mbasi veç jemi te pastat dhe recetat italiane, mos e le pa i provu pastat me tomatina t’pjekuna, ose shpagetat vegjetariane. Ti poashtu mundesh me i gjetë edhe 3 receta t’pastave t’cilat mundesh me i përgatitë për ndonji darkë a drekë plot me shije. Madje, edhe brusketat kapreze s’kishe bo keq me i provu. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
