T’shijshme e lehtësisht t’kombinushme me perime dhe ushqime t’tjera, qoftet vazhdojnë me mbetë nji prej ushqimeve favorite t’shumëkujt prej nesh dhe me t’drejtë. Megjithatë, jo çdo recetë arrinë me ofru rezultatet dhe me i tejkalu pritshmëritë e shumicës kur bahet fjala për qofte që t’lajnë pa mend, E ne edhe kësaj here, sikurse e kemi ba me qoftet klasike t’pulës dhe 3 variantet e qofteve vegjetariane, po t’njoftojmë me nji recetë t’re t’super-qofteve.
Qoftet me gjoks pule dhe perime janë nji prej specialiteteve t’cilat mundesh me i përgatitë për merkalit e mishit, duke përfshi edhe pakëz perime n’to, e që i japin secilës kafshatë nji shije t’parezitueshme, po u përgatitën nj’ashtu sikurse duhet. E që ti mos me ja huqë, ne t’i kemi listu përbërësit dhe t’i kemi ba hazër udhëzimet e nevojshme – ti veç duhesh me i përvjelë pak mangët e me ja kushtu 30 minuta kohë këtij farë muhabeti.
PËRBËRËSIT:
700 gr mish pule i bluar (gjoks pule i bluar)
1 karrotë (e grirë n’rende)
1 kungulleshë (e grirë n’rende)
1 gotë thërrmija buke / prezlle
1/2 qepë (e grirë imët)
1 grusht spinaq (i grirë imët)
1/2 tufë magdanozi (i imtësum)
1/2 lugë çaji hudhër pluhun
1/2 lugë çaji oregano
1 lugë çaji kripë
1 lugë çaji biber i zi
1 lugë çaji biber i kuq
3-4 lugë gjelle vaj ullini
HAPI 1:
Shto t’gjithë përbërësit n’enë t’thellë bashk me erëzat, Ngjeshi e përziji me dorë (kuptohet që duhesh me i pastru mirë duart paraprakisht).
HAPI 2:
Krijo toptha ose qofte prej masës dhe renditi n’tepsi ose n’tel për pjekje sipër tepsisë. Lyji qoftet me vaj ullini me ndihmën e brushës për gatim dhe pjeki qoftet n’200 C për 15-20 minuta, ose fërgoji n’tigan me pakëz vaj për 6 minuta n’secilën anë. Largo nga furra ose tigani dhe servo.
REZULTATI:
Servoji qoftet me sosin e famshëm grek Tzaziki – sos ky që mundesh me e përgatitë edhe vet dhe bashkangjitja pjatës edhe disa karrota, kastraveca a kungullesha për shije dhe efekt krokant. Gjithashtu, mundesh qoftet me i servu edhe me salsën pikante meksikane po deshe e me i servu ato qoftë si pjatë n’vehte, si shoqnuese t’pjatave me perime t’pjekuna n’furrë, apo me ndonjanën prej 4 super sallatave “virale” t’cilat i kemi rekomandu kohë ma parë, apo edhe me sallatën mediterane t’lakrës për shujta me t’lehta e ma pak kalorike.
E mbasi veç ju kemi hi qofteve, mëso qysh përgatiten edhe qoftet greke n’4 hapa t’thjeshtë. Ndërsa për ospione vegjetariane t’i rekomandojmë qoftet me thjerrëza dhe qoftet prej lulelakrës. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
