Nëse veç je prej atyre që mundohen me u ushqy shntshëm, por e kanë t’vështirë me hjekë dorë prej ambëlsinave e deserteve, dije që nuk je vet – e nuk ke nevojë me ba kësi kompromisi t’dhimbshëm aspak. Mjafton me gjetë ambëlsina e deserte që anojnë ka e shnetshmja ma shumë sesa që janë t’damshme.
Pllakë jogurti me fruta asht krejt çka t’duhet për me pa pak mirë n’këto ditë t’ngarkume, t’mbushuna stres e negativitet. E pos që nuk don naj farë filozofie me u përgatitë, ky desert rezulton me pamje super-joshëse, plus ka shumë pak sheqer n’krahasim me ambëlsinat e tjera.
PËRBËRËSIT:
2 gota jogurt grek / kos pa yndyrë
1 lugë gjelle mjaltë
100 gr dredhëza t’prera n’copëza
100 gr boronica
100 gr granola ose muesli
HAPI 1:
Përzije jogurtin me mjaltë. Merr nji tepsi dhe vendos sipër letër për gatim. Shtreje jogurtin n’tanë sipërfaqen e tepsisë dhe sipër shtoji copëzat e dredhëzave.
Mundesh me e lexu edhe…
HAPI 2:
Shto boronicat dhe mueslit sipër. (Ti madje mundesh muesli miksin me e përgatitë vet paraprakisht). Vendose tepsinë n’friz për 2 orë.
HAPI 3:
Largoje tepsinë prej frizit dhe me thikë preje pllakën me jogurt dhe fruta n’copa asimetrike. Servo e shijo menjiherë.
REZULTATI:
Kjo ambëlsinë mundet me qëndru e freskët për 2 ditë nëse e futë n’frigorifer n’kuti xhami ose tegëll dhe e mbyllë mirë. Kësisoji mundesh edhe me marrë t’nesërmen n’punë me vehte e me u kënaqë t’u hangër, pa u ndi n’faj që po han ambël.
E meqë llafi asht tek ambëlsinat e shnetshme, mos e le pa i provu naj herë edhe parfait-in me fruta mali apo edhe keksat me tërshanë – keksa këta që s’kanë nevojë me u pjekë hiç. /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
