Avokadoja asht nji prej frutave (por që shfrytëzohet si perime) që njihet për përfitimet shëndetësore dhe vlerat ushqyese, meqë asht frut që ofron yndyrna t’ngopshme e t’shnetshme për organizmin tonë. Pra, jo kot shumica e njerëzve t’shnetshëm pjesë t’dietës t’tyre e kanë edhe konsumimin e avokados n’forma t’ndryshme.
Kremoziteti dhe shija unike e avokados janë 2 cilësi që e komplementojnë secilën pjatë a shujtë, dhe padiskutimisht avokadoja kombinohet mirë e lehtë me shumë ushqime t’tjera, por n’veçanti me vezë për super mëngjese. E ne t’i kemi përmbledhë 4 mënyra se qysh mundesh me përgatitë tost me avokado dhe me ve, me shpresën që ke me i provu najnjanën prej tyne e me e futë n’menynë tande.
HAPI 1:
Zgjedh qysh po don me i konsumu vezët dhe përgatiti. Kështu ti mundesh me i zi ato, me i fërgu n’sy, me kriju nji omlet apo me i përgatitë n’ujë me uthull. Ti zgjedhe versionin që ty t’pëlqen ma shumë.
HAPI 2:
Merr rriska t’bukës t’zezë, rreshki ato mirë derisa ta qërojsh e prejsh avokadon n’copë. Vendos copat e avokados sipër tostit, shtyp me piru deri sa masa t’bahet përshesh dhe shto kripë dhe biber t’zi. Krejt çka t’mbetet mandej asht me e shtu vezën sipër dhe me i shtu tostit erëzat e preferume.
Nëse ke zgjedhë tost me avokado dhe ve n’sy, rezultati asht ky:
Nëse ke zgjedhë tost me avokado dhe omlet, rezultati asht ky:
Nëse ke zgjedhë tost me avokado dhe ve t’ziera, rezultati asht ky:
Nëse ke zgjedhë tost me avokado dhe ve t’ziera n’ujë me uthull, rezultati asht ky:
Cilindo prej varianteve t’cilave vendos me i provu, mos harro që ti mundesh me ju shtu sipër edhe biber me fara speci, fara susami apo edhe ndonji erzë tjetër për ekstra shije, por nëse don me provu diçka super-unike dhe interesante, shtoji pak mjalftë tostit sipër.
E meqë jemi tek avokadoja, ti mundesh me rregullu cilëndo pjatë t’tandën me avokado, duke kriju lule prej avokados; lule e cila asht ba bajagi virale nëpër bllogjet e nutricistëve dhe influencerëve t’kuzhinës e fitnesit. Besa edhe 5 super-recetat me avokado asht mirë mos me i lanë me t’ikë pa i provu, Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
