Kur bahet fjalë për sallata, nji shumicë e njerëzve i mendojnë do gjethe t’gjelbra me pak perime sipër, vaj e uthull dhe e lidhin këtë fjalë me ushqim jo t’bollshëm dhe monoton, por, që nuk asht ashtu e kanë dëshmu 4 super-sallatat tona “ndryshe”.
Sallata ka prej ma t’ndryshmeve, duke përfshi lloj lloj përbërës, që jo domosdoshmërisht janë veç gjethe. Ka edhe sallata që t’ngijnë dhe ofrojnë shije unike e që nime t’kënaqin. E tillë asht edhe sallata e patateve me sos mustarde, t’cilën n’3 hapa e ke gati, mundesh me marrë me vehte n’punë, me e kombinu me pjata tjera e madje me e servu n’cilindo vakt t’ditës, qoftë edhe si meze.
PËRBËRËSIT:
1.5 kg patate t’reja t’ziera (t’prera n’gjysmë)
2 lugë çaji kripë
2 lugë mustardë Dijon / senf
2 lugë jogurt grek
2 lugë gjelle uthull vere t’kuqe
1 lugë çaji mjaltë
¼ lugë çaji biber i zi
⅓ gotë vaj ullini
3 trupa selino (t’prerë n’kubëza)
1 qepe e kuqe (e grirë imët)
¼ tufë qepë t’reja (t’grira imët)
HAPI 1:
N’nji enë t’thellë shto mustardën, vajin, uthullën,mjaltën dhe erëzat dhe jogurtin grek dhe me tel për përzierje përziji ato deri sa t’krijohet nji masë e njitrajtshme.
Mundesh me e lexu edhe…
HAPI 2:
Shto patatet e ziera dhe përziji me sosin mirë.
HAPI 3:
Shto copëzat e qepës t’kuqe, selinos dhe qepëve t’reja sipër dhe përzije masën mirë. Vendose n’frigorifer për 30-40 minuta e pastaj servo.
REZULTATI:
Servoje sallatën e patateve me sos mustarde si pjatë kryesore apo edhe si paragjellë apo pjatë shoqnuese n’çfarëdo mbledhie, veçanarisht kur organizon ditëlindjet, festat e ahengjet familjare. Poashtu, meqë asht sallatë e ftohtë, mundesh me përgatitë ma shumë e pastaj me e rujtë pjesën e mbetun n’frigorifer. Kësisoji 2-3 ditë mundesh me e konsumu sallatën, besa edhe me e marrë me vehte n’punë për pauzë. Ngjashëm, mundesh me përgatitë edhe sallatën mediterane me patate, ose sallatën e patateve me pesto shtëpije.
Meqë jemi tek sallatat “ndryshe”, mos e le pa e provu edhe pasta-sallatën kapreze, apo pasta-sallatën me spinaq. Kurse për receta t’tjera me pesto, për mëngjes provoje tostin me ve dhe pesto, kurse për pauzë ose drekë përgatite sanduiçin me pesto dhe mocarellë – që të dy recetat nuk marrin shumë kohë, por ofrojnë shumë shije. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
