Kur bahet fjalë për sallata, nji shumicë e njerëzve i mendojnë do gjethe t’gjelbra me pak perime sipër, vaj e uthull dhe e lidhin këtë fjalë me ushqim jo t’bollshëm dhe monoton, por, që nuk asht ashtu e kanë dëshmu 4 super-sallatat tona “ndryshe”.
Sallata ka prej ma t’ndryshmeve, duke përfshi lloj lloj përbërës, që jo domosdoshmërisht janë veç gjethe. Ka edhe sallata që t’ngijnë dhe ofrojnë shije unike e që nime t’kënaqin. E tillë asht edhe sallata e patateve me pesto, t’cilën n’4 hapa e ke gati, mundesh me marrë me vehte n’punë, me e kombinu me pjata tjera e madje me e servu n’cilindo vakt t’ditës, qoftë edhe si meze.
PËRBËRËSIT:
800 gr patate t’reja
1/2 tufë magdanoz
1 thelb hudhër
70 gr parmezan ( i grirë)
1 lugë gjelle lang limoni
1 lugë çaji kripë
2 lugë gjelle vaj ullini
2 lugë gjelle majonezë
HAPI 1:
N’ujë me pak kripë ziji patatet për 20-30 minuta. Largoji, kulloji mirë, leji me u ftohë e preji n’dysh apo n’qerekë.
HAPI 2:
Receta autentike e pestos asht pak ma ndryshe se kjo që po ta sygjerojmë për sallatën me patate, e ti mundesh me zgjedhë cilën po dëshiron me e përgatitë. Sidoqoftë, për peston me magdanoz shto vajin, magdanozin, hudhrë, kripën, parmezanin n’blender e bluje masën deri sa t’njitrajtëzohet.
HAPI 3:
Shto peston n’nji pjaatë dhe shto edhe majonezën. Përzije masën mirë.
HAPI 4:
N’nji enë t’thellë shto patatet dhe sosin e pestos me majonezë. Përziji k%to dyja mirë dhe leji n’frigorifer për t’paktën 15 minuta e pastaj servo.
REZULTATI:
Servoje sallatën e patateve me pesto si pjatë kryesore apo edhe si paragjellë apo pjatë shoqnuese n’çfarëdo mbledhie, veçanarisht kur organizon ditëlindjet, festat e ahengjet familjare. Poashtu, meqë asht sallatë e ftohtë, mundesh me përgatitë ma shumë e pastaj me e rujtë pjesën e mbetun n’frigorifer. Kësisoji 2-3 ditë mundesh me e konsumu sallatën, besa edhe me e marrë me vehte n’punë për pauzë.
Meqë jemi tek sallatat “ndryshe”, mos e le pa e provu edhe pasta-sallatën kapreze, apo pasta-sallatën me spinaq. Kurse për receta t’tjera me pesto, për mëngjes provoje tostin me ve dhe pesto, kurse për pauzë ose drekë përgatite sanduiçin me pesto dhe mocarellë – që të dy recetat nuk marrin shumë kohë, por ofrojnë shumë shije. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
