Me çmimet n’rritje e sipër, por edhe koston e lartë t’jetesës n’përgjithësi, secili kemi fillu me shqyrtu mundësi ma ekonomike t’përgatitjes t’ushqimit. E ne për këtë arsye po provojmë me sjellë receta që janë t’lehta, t’shpejta dhe t’përshtatshme për ma shumë vakte – njilloj sikurse asht receta e radhës
Sanduiçin me sallatë vezësh mundesh lehtë e shpejt me e ba gati, qoftë për mëngjes, apo edhe për pauzë. Madje edhe fëmijëve mundesh me ua ba gati për shkollë. Krejt këtë shujtë simpatike mundesh me e kriju brenda 15 minutave, n’4 hapa t’thjeshtë.
PËRBËRËSIT (servimi për 2):
4 rriska buk thekre
4 vezë (t’ziera)
3 lugë gjelle majonezë
1 lugë gjelle kopër i thatë
1 lugë gjelle mustardë Dijon / senf
1 lugë çaji lang limoni
Kripë dhe biber i zi (Opsionale)
Mundesh me e lexu edhe…
HAPI 1:
Pasi t’i kesh zi vezët për 12 minuta e t’i kesh qëru, sipas 3 udhëzimeve që duhet me i ndjekë kur zien vezë, merr vezët, qëroji dhe preji n’copëza mesatarisht t’mëdha.
HAPI 2:
Shto sipër majonezën, koprin, kripën dhe biberin, langun e limonit si dhe mustardën.
HAPI 3:
Përzije masën mirë deri sa krejt përbërësit t’jenë bashku.
HAPI 4:
Rreshki rriskat e bukës n’toster apo n’tigan. Shto sipër njanës rriskë sallatë t’gjelbër, pastaj shto sallatën e vezëve dhe mbuloje atë me rriskën e dytë. Njilloj vepro edhe me rriskat tjera dhe pjesën e mbetun t’sallatës. Servo.
REZULTATI:
Haje sanduiçin menjiherë, apo mbështjelle n’letër gatimit ose folie alumini e vendose n’frigorifer e merre me vehte n’punë apo baja gati fëmijëve për shkollë.
Sanduiçin mundesh me e shoqnu me nji lang t’freskët t’mollës t’gjelbër t’cilin mundesh me e përgatitë vet sa hap e mbyll sytë, me e paketu n’shishe t’xhamit e me marrë me vehte njilloj sikurse sanduiçin.
E mbasi veç jemi te sanduiçët e shijshëm, t’mirë, t’lehtë e t’përshtatshëm për pauzë, mos e le pa i provu edhe 4 sanduiçat tanë t’cilët mundesh me i marrë me vehte n’punë. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
