Nëse je merakli/ke i/e mezev, por edhe ushqimeve që i cilësojmë si “t’ngjyme” – kjo recetë asht e duhuna për ty. N’daç si paragjellë e n’daç si shoqërues i mezeve, sosi me pasul e spec, njilloj si edhe Baba Ghanoush-i – asht ndër sosat ma t’shijshëm e ma t’lehtë t’cilët mundesh me i përgatitë, pa marrë shumë mund e kohë. E çka e ban fort t’shijshëm e unik këtë sos asht kremoziteti që kokrat e pasulit t’blume mirë i jepin sosit, por edhe ekstra shija e biberit t’kuq e kombinume me vaj ullini e pak hudhër.
2 hapa tepër t’thjeshtë, pak përbërës e 4-5 minuta n’total janë krejt çka t’duhen për me e pasë gati sosin me pasul e spec t’kuq, i cili sigurtë ka me t’lanë pa tekst jo veç ty, por kando që e provon. Besa, edhe shqisat e shijes kanë me t’u falenderu!
PËRBËRËSIT:
300 gr pasul i konservum (të kulluara dhe të shpëlarë)
2 lugë çaji vaj ullini
2 thelpinj hudhër
1 lugë e mesme lang limoni
1 lugë çaji biber i kuq
Kripë dhe biber i zi (Opsionale)
HAPI 1:
Fillimisht kullo e shpërlaje pasulin e konservum. Shto krejt përbërësit n’blender.
Mundesh me e lexu edhe…
HAPI 2:
Bluje masën deri sa t’krijohet nji masë e njitrajtshme. Pra, deri sa t’krijohet nji sos i trashë kremoz e pa kokrra. Servo n’pjatë e shto sipër biber t’kuq, pak vaj ulliri dhe erëza si oreganoja, magdanozi ose fara luledielli.
REZULTATI:
Servoje sosin me perime t’freskëta e krokante siç janë karrotat, kastravecat, tomatinat e rrepa. Poashtu ne t’sygjerojmë me marrë pitalka, bukë me hudhër, petë tortille apo edhe keksa t’njelbët për me ja bashkangjitë sosit. E n’qoftë se je t’u dashtë me gostitë mysafir e po ke qejf me shku edhe ma ekstra me pritje e përgatitje, mos e le pa i përgatitë edhe shkopthat prej kashkavalli t’cilat e pasunojnë secilën meze e pjatë t’nxehtë.
E ku shkojnë tan këto meze e gjana t’shijshme pa pi? S’shkon de, s’shkon…
Andaj, përgatite nji Gin ‘n’ Tonic n’kushte shtëpije, ose nji Vodka Pineapple e ndreçja vehtës e tjerëve nejën. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram: https://www.instagram.com/gurmaneria/
Përgatiti:
