Nëse ky emër po t’intrigon po nuk je ka e din çka mundet me qenë, ne jemi këtu për me t’kallxu e me t’njoftu me to. I përshtatshëm e lehtë i kombinushëm për meze, sallata, sanduiça, por edhe delikatesa t’tjera, Baba Ghanoush asht nji sos me origjinë nga Lindja e mesme edhe njihet për kremozitetin që ka. Asht “e ngjyme” ose “dip” që n’kulturën arabe e hebraike përdorët shumë n’mezet e tyne t’pasuna me erëza, shije e kombinime t’hatashme.
N’daq si meze (me djathë, perime, sallata, bukë e petë), n’daq n’sanduiça t’ndryshëm, me kompira t’pjekun apo keksa t’njelbët – Baba Ghanoush përveç shijes unike e super-kremoze asht edhe koxha i shëndetshëm, sepse, nuk ka gluten. Biles, asht plotësisht vegan. Plus nuk asht i zorshëm me u përgatitë.
PËRBËRËSIT:
4 patëllxhanë t’mesëM
4 thelpinjë hudhre (t’grirë imët)
1/4 filxhan lang limoni t’freskët
3 lugë tahini (pastë prej farave t’susamit)
1 lugë çaji kripë
3/4 lugë çaji piper t’zi
1/2 lugë çaji biber t’kuq
1/4 filxhan vaj ullini
1/4 e tufës magdanoz të freskët (i grirë imët)
Mundesh me e lexu edhe…
- Advertisement -
HAPI 1:
Laji mirë patëllxhanat, preji në mes dhe pjeki në furrë deri sa t’zbuten.
- Advertisement -
HAPI 2:
Me lugë gërryje brendinë e patëllxhanave dhe vendosi n’nji enë t’thellë. Shtypi me piru sa ma mirë dhe shto përbërësit e tjerë. Përzije masën mirë.
HAPI 3:
Vendose sosin n’pjatën që don. Sipër shto vaj ullini, pak biber t’kuq edhe magdanozin e imtësum.
HAPI 4:
Servoje me bash çka ta don zemra. Ne po t’sygjerojmë pak bukë ose petë, perime, pak djathë, por ti lirisht servoje me çkado që ty t’shijon.
- Advertisement -
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram: https://www.instagram.com/gurmaneria/
