Qiqrat padyshim se janë nji prej ushqimeve ma t’shnetshme që mundemi me i hasë n’natyrë e që lirisht mundemi me thanë se e pasurojnë n’mënyrë unike e autentike secilën recetë. Biles, për vegjetarianët dhe veganët, përgagtitja e qiqrave n’mënyra t’ndryshme, sidomos bazuar n’receta t’Lindjes t’Mesme, arrinë me ofru shije interesante e që lehtësisht munden me u përgatitë dhe që nuk marrin shumë kohë.
Recetat me qiqra janë nji prej mënyrave ma t’mira t’mundshme me i përfshi edhe ushqimet e mbushuna me karbohidrate, proteina, fibra dhe yndyrna t’shëndetshme n’gatesa dhe me i marrë vlerat ushqyese t’nevojshme për organizmin. e anipse t’njohuna për përgatitjen e hummus-it, qiqrat zajnë vend edhe n’shumë pjata tjera interesante – 8 prej t’cilave t’i kemi listu ma poshtë.
1. Kërpudha t’mbushuna me qiqra dhe arra
Ideale për me u servu si paragjellë përgjatë nejave e ahengjeve me miq e familjarë, kërpudhat e mbushuna me qiqra dhe arra nuk dështojnë me sjellë risi tek ata që i provojnë, pikërisht për shkak t’përbërësve unik e që i japin ekstra secilës kërpudhë. E çka asht ma e mira këtë delikatesë unike, vegjetariane dhe plot shije mundesh me e përgatitë n’5 hapa super t’thjeshtë.
2. Sallatë me qiqra – versioni vegjetarian i tuna sallatës
E shpejtë, e lehtë dhe jo fort e kushtushme asht receta për sallatën me qiqra; versionin vegjetarian t’sallatës me tunë, të cilën mundesh me e përgatitë edhe nëse nuk je naj farë kuzhinieri/e e me marrë me vehte për pauzë. Mjafton me i ndjekë disa udhëzime t’thjeshta.
Mundesh me e lexu edhe...
3. Supa marokiene
Me supën marokiene me thjerrëza, qiqra dhe perime ne jemi mundu që kësaj here me t’ndihmu me sjellë shijen e Lindjes t’Mesme n’pjatën tande me pak mund, harxh e kohë – tamam qysh e përgatisin edhe vet marokanët. Pra, ke mundësi me e kënaqë shpirtin me nji pjatë autentike marokene t’cilën mundesh me e pas’ hazër brenda nji kohe t’shkurtë.
4. Kuti pauze me qiqra t’pjekuna dhe kinoa
Nëse ke ra n’hall se çka me hangër n’punë e çka me gatu për pauzë, atëherë kutia e pauzës me qiqra t’pjekuna dhe kinoa asht sygjerimi jonë për kando që don me u ushqy mirë, shnetshëm e pa u lodhë shumë n’përgatitje t’shujtave. Kështu, lehtë, shpejt dhe me pak harxh ti ke mundësinë me e përgatitë nji super vakt, pa u lodhë fort.
5. Qofte prej qiqrave
Qoftet me qiqra janë nji prej specialiteteve vegjetariane/vegane ma t’shijshme e ma t’lehta me u përgatitë dhe me shumë t’drejtë. T’krijume tanësisht prej produkteve vegjetariane, këto qofte thjeshtë ta bombardojnë gojën me shije. E për ma tepër, këto qofte poashtu janë nji alternativë ma e shëndetshme e t’ushqyerit, por edhe ma ngopëse – krejt kjo, falë qiqrave.
6. Pesto-sallatë me qiqra
Ngjashëm me sallatën e qiqrave që e zavendësojke tuna sallatën, edhe pesto-sallata me qiqra asht opsioni vegjetarian i sallatës t’pulës me pesto. Biles, kombinimi i qiqrave me shijen e pestos janë ideale me u përgatit’ edhe nëse nuk je naj farë kuzhinieri/e e me marrë me vehte për pauzë. Mjafton me i ndjekë disa udhëzime t’thjeshta.
7. Kuskus me qiqra
Sallata s’ka pse me qenë e bajatshme e jo ngopëse. Mjafton me ditë me përzgjedhë se çka shkon me perimet e freskëta e që ka vlera ushqyese tamam siç duhet, për me e përgatitë nji sallatë që nime edhe t’kënaqë, por edhe t’nginë qysh duhet. E ne jemi siguru që kësaj radhe me ta propozu sallatën e kuskusit me qiqra – sallatë kjo me plot vlera ushqyese e shije.
8. Sallata krokante me qiqra
Listës t’recetave plot shije dhe vlera ushqyese prej qiqrave i shtohet krejt n’fund edhe receta e sallatës krokante me qiqra – sallatë kjo që nuk e ke dit’ që t’u ka dashtë n’jetë e që gabon shumë po s’e provove. Biles kjo sallatë asht ideale me u përgatit’ nëse je ka ruhesh n’ushqim apo po mbanë dietë, nëse s’ke kohë me zi e don me marrë ushqim t’shëndetshëm për pauzë, apo edhe nëse don me e hangër nji darkë që s’t’randon shumë.
T’gjitha këto receta e ke mundësinë me i përgatit’ brenda pak kohe e me i shiju, duke kontribu kështu n’shëndetin dhe mirëqenien tande dhe t’tjerëve pa pas’ nevojë me hjekë dorë prej shijes dhe ngopjes. E mbasi veç jemi te ushqimet e mira, t’shëndetshme dhe plot shije, mos e le pa i provu edhe 5 super recetat me kërpudha, apo 5 recetat plot shije me avokado. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
