Sa ma e thjeshtë receta e nji pjatë, aq ma e t’garantume e ke shijen n’disa raste. Këtë e dëshmojnë shumë receta t’cilat i kushtojnë randësi thjeshtësisë e lehtësisë t’përgatitjes, e që edhe hiç mos me ditë me gatu, nuk mundesh me ja huqë po i ndjeke udhëzimet.
Nëse je merakli/ke i/e mishit t’pulës, atëherë ke ra n’artikull, meqë sot kemi vendosë me ta dediku ty nji listë t’plotë me 9 super-rekomandime që po i provove jemi t’sigurtë që ke me i lëpi gishtat. Lehtë, thjeshtë, mirë e plot shije, secili rekomandim ja vlenë me u provu – këtë ta garantojmë pa tutë.
1. ÇORBË PULE ME THJERRËZA
Ideale për drekë a darkë, çorba e pulës me thjerrëza asht e pasun me vlera ushqyese t’bollshme, por asht edhe plot shije. Përzierja e pulës t’copëtume me perimet, thjerrëzat e erëzat t’cilat zihen bashk arrijnë me e kriju nji pjatë t’nxehtë unike e që s’don shumë mund. E nëse don me ta fshi edhe tjerët pjatën deri n’fund, mjafton me i ndjekë 3 hapat tonë.
Mundesh me e lexu edhe…
2. SHNICLLE GJERMANE T’PULËS
Shnicllet e pulës janè pikërisht nji prej recetave ma t’thjeshta e t’lehta t’kuzhinës gjermane e që lehtësisht munden me u përgatitë dhe me u kombinu me ushqimet e tjera t’përgatituna. Thjeshtë, mirë dhe me pak përbërës, këti shniclle kanë me ta ndreçë secilën drekë a darkë.
3. KUNGULLESHA T’MBUSHUNA ME MISH PULE
Nëse deri tash nuk ke provu kungulleshë t’mbushun me pulë – atëherë asht koha me ja ba nji t’mirë vehtes e me e përgatitë e provu këtë super-recetë që shkon shumë me çfarëdolloj ushqimi dhe asht lehtësisht e realizushme dhe kohë-kursyese.
4. QOFTE PULE
Qoftet me gjoks pule janë nji prej specialiteteve plot shije që jo çdokush din me i përgatitë siç duhet. T’mbushuna me erëzat e duhuna dhe mish pule t’grirë këto qofte thjeshtë ta bombardojnë gojën me shije. E krejt çka t’duhet ty janë 30 minuta n’total e 2 hapa me i ndjekë, n’daç me i pasë gati këto super-qofte.
5. PULË ME MARINADË GREKE
Pula me marinadë greke asht receta që shkon e kombinohet me çkado; n’daç n’sallatë, n’pjatë me oriz ose patate, sanduiç, tortillë n’petë apo perime t’fërgume. E ajo që e ban unike asht pikërisht marinada e përgatitun e cila pos që i jep shije mishit t’pulës, poashtu nuk e lejon me u shterrë e me i hupë langjet. Plus, nuk asht vështirë me u përgatitë.
6. ÇORBË PASULI ME PULË
E pasun me vlera ushqyese t’bollshme, por edhe plot shije asht edhe çorba kremoze me pasul dhe pulë. ku përzierja e pulës t’copëtume me fasulet, krem-djathin e krem-qumështin dhe erëzat ta krijon nji pjatë t’nxehtë unike e që s’don shumë mund e që krejt kanë me ta pëlqy.
7. KAQIKA T’PJEKUN N’FURRË
Kaqikat me erëza t’pjakuna n’furrë janë shembulli ma i mirë i mundshëm i recetave që kombinohen me çdo lloj tjetër t’ushqimit e që s’dijnë me u ba bajat asnjiherë. Krejt çka t’duhet asht pak harxh e kohë e besa edhe pak vullnet që n’3 hapa me i përgatitë kaqikat ma t’mirë që i ke hangër najherë.
8. PULË GREKE ME PERIME T’PJAKUNA N’FURRË
Kofshë pule greke me perime t’pjekuna n’furrë, asht receta t’cilën po ta rekomandojmë n’daç me hangër mirë, shnetshëm, me u ngi e mos me u lodhë shumë t’u përgatitë. Poashtu, kjo recetë asht shumë e përshtatshme për kando që ruhet pak n’ushqim, ushtron, i kushton randësi vlerave ushqyese dhe ka preferon me marrë ushqimin e tepër t’drekës a darkës me vehte n’punë.
9. FAJITA PULE
E mbushun plot shije prej specave dhe mishit t’pulës, por edhe erëzave, peta e tortillës me pak salcë kosi e pak sos pikant asht krejt çka t’duhet për mos me u mendu dy herë e me i përvëjelë mangët për me e përgatitë këtë specialitet. Edhe s’ka kushedi çfarë filozofie, veç ama ka pak marifet. E këtë ma s’miri e sheh po e provove vet recetën e fajita-ve t’pulës.
E sado që mundesh me qenë merak n’mish, ne t’rekomandojmë me e konsumu me masë dhe përgjithësisht me ju shmangë – meqë edhe ushqimi ma i shnetshëm nuk asht. Si alternativë ta rekomandojmë përdorimin ma t’madh t’perimeve dhe kërpudhave. Kështu 7 pjatat vegjetariane që edhe meraklitë e mishit i hajnë janë vetëm disa prej rekomandimeve t’tona për ty që s’mundesh me e paramendu shujtën pa mish. Shijo! /katror.info
Përgatiti:
