Shumica e vegjetarianëve n’Kosovë e kemi t’njejëtin problem: Nuk kemi fort zgjidhje për ushqim jasht shtëpive t’tona, ose ato kushtojnë shtrejtë. Andaj, për shumicën prej nesh, gjetja e recetave dhe përgatitija e shujtave n’shtëpi mbetet zgjidhja ma ideale e jona. Megjithatë, jo çdo herë kemi ide se çka me përgatitë, e dorën n’zemër edhe ne kemi qejf ndonjiherë me ja ndrru shijen vehës.
Nëse veç je ka i shqyrton opsionet se çka me përgatitë për drekë a darkë, ne i kemi përzgjedhë super-receta vegjetariane për ty edhe jemi t’bindun që po e provove ndonjanën prej tyre, ke me fillu me i përgatitë ma shpesh.
1. ÇORBË ME PERIME
Ideale për drekë a darkë, çorba me perime asht e pasun me shije e vlera ushqyese t’bollshme. Përzierja e perimeve e erëzave t’cilat zihen bashk arrijnë me e kriju nji pjatë e cila n’secilën lugë sjellë kënaqësi t’veçantë. E nëse don me ta fshi edhe tjerët pjatën deri n’fund, mjafton me i ndjekë veç 3 hapa.
2. PASTA SALLATË GREKE
Pasta sallata greke asht super kombinim mes perimeve t’sallatës greke dhe pastave. Kjo pasta sallatë asht ideale nëse je n’mes nji dreke t’lehtë, sallatës e pastave. E nuk don fort filozofi, mjafton do perime me i gri e pastat me i zi. Ngjashëm me këtë recetë, por ndryshe n’shije, ti mundesh me e përgatitë edhe pasta sallatën klasike.
Mundesh me e lexu edhe…
3. SUPË ME KUNGULL
Vjeshta nuk ka lezet pa receta me kungull. E pikërisht për këtë, ne e kemi gjetë recetën ma t’mirë t’supës me kungull e po e ndajmë me ty. E lehtë, pa ndonji filozofi n’përgatitje e plot shije, kjo supë vërtetë e hijeshon e i jep lezet çdo dreke, e pse jo edhe ndonji darkeje ma t’lehtë. Mjafton me i ndjekë disa hapa t’thjeshtë. Poashtu, nëse t’ka tepru kungull, nuk ke nevojë me e lanë me t’shku dam, sepse, mundesh me e përgatitë kekun me kungull, ndryshe i njohun edhe si “Pumpkin Bread”.
4. KRELANË E KALLAMOJT’
Recetat unike t’gjysheve e pjata e stër-mbushuna prej gjysheve, nuk kanë qysh me u kuptu ndryshe, përpos si gjuhë univerzale e dashnisë t’tyre. E për gjyshet kosovare, kjo vlenë edhe ma tepër sidoms nëse i kujtojmë pitet, leçenikat e bukët e tyre. E për me t’rikthy n’fëmini, ne e kemi gjetë recetën perfekte për krelanën e kallamojt’ për ty, që s’don shumë punë e as harxh. S’ke nevojë me qenë vegjetarian/e për me e përgatitë këtë recetë, por mirë që ekziston si alternativë për jo-mishngranësit.
5. SHPAGETA VEGJETARIANE
Shpageta vegjetariane mundesh me i përgatitë t’u i ndjekë 6 hapa tepër t’thjeshtë. Këto pasta janë sygjerimi jonë për ty që je n’kërkim t’recetave t’reja, qoftë për drekë apo darkë. Mjafton me i përcjellë udhëzimet tona, e me t’dalë ushqimi me plot shije. E ti poashtu mundesh me u inspiru e me i provu ndonjiherë edhe 3 pjata t’tjera t’pastave vegjetariane që mundesh me i përgatitë për drekë ose darkë.
6. PATËLLXHAN-PICA
Patëllxhan-pica asht definitivisht rekomandimi jonë i radhës për ty që je merakli/ke i/e picës, por që s’ke qejf me ja tepru me brum e karbohidrate e që mundohesh me i nejt pak gati ushqmit. E n’2 hapa fort t’thjeshtë, ti mundesh me e shiju picën, pa brumin e kaloritë e panevojshme. Kjo recetë asht ideale poashtu për drekat e darkat dembele, ku pritojmë me mbetë gjatë n’kuzhinë.
7. PATATE ME LULELAKËR N’TAVË
Sa ma e thjeshtë receta e nji pjate, aq ma e t’garantume e ke shijen n’disa raste. Këtë e dëshmojnë shumë receta t’cilat i kushtojnë randësi thjeshtësisë e lehtësisë t’përgatitjes, e që edhe hiç mos me ditë me gatu, nuk mundesh me ja huqë po i ndjeke udhëzimet. Patatet me lulelakër n’tavë janè pikërisht nji prej recetave ma t’thjeshta e t’lehta me u përgatitë, Thjeshtë, mirë dhe me pak përbërës, kjo tavë s’ka qysh dështon. / katror.info /
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
