Sa ma e thjeshtë receta e nji pjate, aq ma e t’garantume e ke shijen n’disa raste. Këtë e dëshmojnë shumë receta t’cilat i kushtojnë randësi thjeshtësisë e lehtësisë t’përgatitjes, e që edhe hiç mos me ditë me gatu, nuk mundesh me ja huqë po i ndjeke udhëzimet.
Kaqikat me erëza t’pjakuna n’furrë janë shembulli ma i mirë i mundshëm i recetave që kombinohen me çdo lloj tjetër t’ushqimit e që s’dijnë me u ba bajat asnjiherë. Krejt çka t’duhet asht pak harxh e kohë e besa edhe pak vullnet që n’3 hapa.
PËRBËRËSIT:
6 kaqika pule
4 lugë gjelle vaj ullini
1 lugë e mesme biber i kuq
1 lugë e mesme biber i zi
1 lugë e mesme hudhër pluhun
1 lugë e mesme oregano
1 lugë e mesme vegetë
HAPI 1:
Para se me fillu me përgatitjen, nxeje furrën n’200 C e pastaj fillo. Merri kaqikat dhe vendosi n’nji enë t’thellë. Shto erëzat dhe vajin e ullinit e masazhoji kaqikat mirë deri sa t’mbulohen krejt me erëza dhe vaj.
Mundesh me e lexu edhe…
HAPI 2:
Vendosi kaqikat n’tepsi, mbuloji me folje alumini dhe futi n’furrë për 10 minuta n’200 C. Pas 10 minutash, largo foljen dhe ule temperaturën n’120 C. Leji kaqikat me u pjekë për 25-30 minuta t’tjera, de po deshe rrotulloji n’anën tjetër dikund nga mesi i kohës (ky hap nuk asht i domosdoshëm).
HAPI 3:
Largoji kaqikat prej furrës dhe leji me u ftohë për 15 minuta n’mënyrë që temperatura dhe langjet e mishit me mujt me pushu – kështu, edhe mishi shijon ma tepër.
REZULTATI:
Servoji kaqikat qoftë me oriz dhe perime, qoftë me patate me lulelakër n’furrë e pse jo edhe me ndonji ushqim tjetër që t’shijon. Ne t’sygjerojmë me i shoqnu pjatat me kaqika edhe me nji sallatë; sallata Shirazi (sallata persiane), apo sallata “virale” Cowboy Caviar janë 2 rekomandimet tona. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
