Shumica prej nesh, me shumë t’drejtë, i kritikojmë rrjetet sociale për mungesë t’përmbajtjeve edukative e informuse edhe harrojmë që bashk me trendet “virale” t’Tik Tok-ut e që s’janë fort t’frytshme, ka edhe trende e ide interesante t’cilat munden me na hy n’punë për t’mirë.
Cowboy Caviar, asht sallata e famshme e virale e Tik Tok-ut e cila asht ba e virale për faktin se ka shije e përbërës interesant, por edhe ta mundëson që n’nji kafshatë t’vetme me i pasë t’gjithë përbërësit. Krejt kjo falë metodës që përdoret për me e përgatitë këtë sallatë, e që asht prerja e perimeve n’kubëza t’imët. Pra, sallata nuk don shumë punë, por don merak.
PËRBËRËSIT:
2 domate (t’prera n’kubëza)
1 avokado (e prerë n’kubëza)
1/2 qepë e (e prerë n’kubëza)
1 konservë pasul t’zi (i shpërlarë mirë)
1 konservë pasul t’bardhë (i shpërlarë mirë)
1 konservë misër
1/2 spec i kuq (i prerë n’kubëza)
1/2 spec i gjelbër (i prerë n’kubëza)
zile të prerë në kubikë (kam përdorur gjysmë jeshile dhe gjysmë të kuqe, por ngjyra nuk ka rëndësi)
1/4 tufë magdanoz t’freskët (i imtësum)
Mundesh me e lexu edhe…
- Advertisement -
HAPI 1:
Shto perimet e prera n’kubëza t’imëta n’nji enë t’thellë.
- Advertisement -
PËRBËRËSIT PËR DRESSING-UN E SALLATËS:
1/3 gotë vaj ullini
2 lugë gjelle lang limoni
2 lugë gjelle uthull e verës t’kuqe
1 lugë çaji sheqer
1/2 lugë çaji kripë
1/2 lugë çaji piper
1/4 lugë çaji hudhër pluhun
1/2 lugë çaji oregano
HAPI 2:
Në nji tas shto përbërësit e dressing-ut për sallatë e përziji mirë.
HAPI 3:
Shto dressing-un mbi përbërës të tjerë t’sallatëz dhe përzije mirë sallatën. Servo me çkado që preferon, por ne ta sygjerojmë me servu me çipsa t’tortillës. Shijo!
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram: https://www.instagram.com/gurmaneria/
