Nëse veç je prej atyre që mundohen me u ushqy shntshëm, por e kanë t’vështirë me hjekë dorë prej ambëlsinave e deserteve, dije që nuk je vet – e nuk ke nevojë me ba kësi kompromisi t’dhimbshëm aspak. Mjafton me gjetë ambëlsina e deserte që anojnë ka e shnetshmja ma shumë sesa që janë t’damshme.
Qulli i ftohtë i tërrshanës asht krejt çka t’duhet për nji mëngjes t’mirë e t’ambël. E pos që nuk don naj farë filozofie me u përgatitë, ky mëngjes-desert përmbanë vlera t’mjaftueshme ushqyese sa me mujt’ me e shty deri n’drekë.
PËRBËRËSIT (4 servime):
1 e 1/3 gotë tërrshanë
2 lugë fara Chia
2 lugë gjelle pluhur-kakao pa sheqer
2 lugë gjelle sheqer i kafët
1/4 gotë thërrmija çokollate
1/4 lugë çaji kripë
1 e 1/3 gotë qumësht
1/2 lugë gjelle ekstrakt vanille
HAPI 1:
Shto t’gjithë përbërësit n’nji enë t’thellë.
Mundesh me e lexu edhe…
HAPI 2:
Përziji ‘gjithë përbërësit mirë dhe sigurohu që t’mos mbesin kokrra përbërësish n’enë.
HAPI 3:
Vendose masën n’4 teglla xhami e futi n’frigorifer përgjatë natës ose leji me u ftohë për 1 orë e pastaj konsumo.
REZULTATI:
Mundesh me hangër direkt prej tegllave, apo me e vendosë masën n’pjatë, me i shtu gjalpë kikiriku, copëza çokollate dhe fruta po deshe.
E masi veç jemi tek ushqimet e mira e t’shnetshme dhe t’ambla, mos e le pa e provu edhe pjatën me gjizë, mollë dhe arra, apo pjatën me gjizë dhe boronica. Poashtu, nëse veç e provon, ne ta rekomandojmë edhe Parfait-in me fruta mali – desertin e shëndetshëm t’cilin mundesh me marrë me vehte n’punë edhe nuk t’merr kohë ma shumë se 2 minuta. Shijo! /katror.info/
Përgatiti:
