Festa e Krishtlindjeve për shumëkand sjellë gëzim jo vetëm për shkak t’randësisë fetare që ka për ta, por edhe për shkak t’praktikave e t’traditave simpatike e plot shpirt festiv që e karakterizojnë këtë festë. Bredhat e dekorum me figurina e drita, qirinjtë e ndezun, kangët festive, vera e nxehtë / e vluar, keksat e fundvitit, por edhe shumë ushqime t’tjera janë vetëm disa nga gjanat që e hijeshojnë këtë festë, e patjetër që ka edhe shumë gjana e elemente t’tjera.
Ne t’i kemi listu 5 fakte interesante për ushqimet dhe ambëlsinat e Krishtlindjeve që nuk besojmë që i ke ditë ma herët, e që vërtetë shpalosin informata interesante për zbulimin dhe përdorimin e këtyre ushqimeve dhe si e pse kanë arritë ato me qenë pjesë e praktikave festive.
1. Bonbonet “Candy Canes” u shpikën për me i mashtru fëmijët
Legjenda thotë se bonbonet n’formë kërryli u shpikën n’vitin 1670, kur nji këngëtar kori n’katedralen e Kolnit përgatiti bonbone n’formë kërryli që me ua shpërnda fëmijëve gjatë meshës, n’mënyrë që me i mashtru e me i mbajtë t’heshtun gjersa mbahej mesha. Vijat e kuqe fillimisht nuk kanë ekzistu – ato u shtuan kohë më vonë.
2. Australianët zakonisht përgatisin mish n’skarë për Krishtlindje
Meqë Australia përballet me ndryshime klimatike dhe stinë tjera n’krahasim me shumicën e vendeve t’botës, dhe gjatë dhjetorit temperaturat janë tejet t’nalta atje – shumica e australianëve preferojnë mos me u mbyllë n’kuzhinë e me vlu prej s’nxehti duke përgatitë ushqimet për festën e Krishlindjeve. Kështu ata parapëlqejnë me organizu ndeja n’oborret e tyre dhe me përgatitë ushqim e mishëra t’ndryshme n’skarë.
3. Pjata kryesore për Krishtlindje gjatë mesjetës ishte fazani
N’vend t’gjeldetit (quranit), tradicionalisht n’vendet evropiane asht përgatitë mishi i fazanit. Kështu, për krishtlindje ose asht servu fazan, ose mish derri. Kurse gjeldeti (qurani) fillojë me u përdorë e me u gatu n’amerikë dikund nga shekulli 19.
4. Bredhat / pishat e krishtlindjeve dikur zbukuroheshin me ushqim
Tradita për me i lanë keksa dhe qumësht babadimrit ka nisë n’kohën kur pemët e krishtlindjeve zbukuroheshin me ushqim dhe ato dekorime zhdukeshin gjatë natës, kështu që fëmijëve u thuhej se Babadimri meqë shpërndante dhurata dhe lodhej, natën ndalej e hande keksa me qumësht n’mesnatë.
5. Coca Cola e ndryshoi babadimrin origjinal dhe na e imponoi babadimrin që e njohim sot
Santa, apo ndryshe i njohun për neve edhe si babadimri i veshur me teshat kuq e bardh, jo çdoherë ka qenë i tillë. Anipse, qysh n’vitet e hershme t’shekulli 20 babadimri përshkruhej si burrë topolak, simpatik, gazmor e me mjekërr t’gjatë e t’thinjun – ai nuk kishte ndonji imazh t’caktum t’qartë. Mirëpo, me nevojën për reklamim, n’vitet 1930 Coca-Cola porositi artistin Haddon Sundblom për me e kriju nji imazh n’t’cilin babadimri pin Coca Cola. Krejt kjo ide ishte pjesë e nji fushate marketingu festiv, e që rezultoi aq e suksesshme, sa sot krejt e paramendojmë babadimrin e Coca Cola-s, si babadimrin e vërtetë.
Njëlloj sikurse për ushqimet festive, ti mundesh me mësu edhe disa fakte interesante për verën e nxehtë / e vluar, n’ndërkohë që edhe mundesh me përgatitë njanën prej 4 bredh-mezeve. Madje edhe pallomat mundesh me i dekoru n’formë t’bredhit. Gëzuar! /katror.info/
Përgatiti:
