Festat e fundvitit veçse janë afru e shumë prej nesh kemi fillu me i ba përgatitjet e nevojshme, duke fillu prej bredhit, dritave, qirinjëve e dhuratave për ma t’dashtunit tonë, për kolegët (meqë tash n’modë asht “Secret Santa”), por edhe për shokët e shoqet. Besa kujdes e vëmendje kemi nisë me ju kushtu edhe recetave t’ndryshme e ideve për servim dhe dekorim t’pjatave festive sikurse asht Sallata e Ukrainës dhe mezet e ndryshme. .
Kujdesi për detaje, servim e dekorim asht hap i randësishëm dhe që e ban diferencën n’raste ma speciale, veçanarisht gjatë festave t’fundvitit. E mezet n’formë t’bredhit nime i japin hijeshi edhe ma shumë secilës tryezë; anipse duken interesante, janë tepër praktike me u përgatitë – këtë e dëshmojnë edhe 4 shembujt n’vazhdim
BREDH MEZE 1
Për këtë meze përdorë djathë kashkavall, gorgonzolla (djathë i mykur) dhe pekorino. Shto rriska t’holla suxhuk bosnje dhe proshute, kokrra rrushi, arra, badema dhe kajsia t’thata si dhe reçel dredhëze. Mos e le pa ja bashkangjitë mezes edhe disa keksa t’njelbët. Kurse n’maje t’bredhit vendose nji pjatë t’vogël me ulliinjë t’gjelbër e spec.
BREDH MEZE 2
Kjo meze nuk asht aq e vështirë me u përgatitë sa po duket. Mjafton që paraprakisht me i siguru përbërësit e me i pre e lanë t’gatshme për servim. Përdor boronica dhe manaferra për dekorim n’vend t’topave t’bredhit, rriska suxhuku t’Bosnjes dhe gjethe rozmarine për dekor. Për këtë meze, përdor djathë dhie i marinum n’shegë, kashkavall t’prerë n’kube dhe djathë francez (Brie) t’prerë n’rriska. E edhe trëndafilat prej suxhukut mundesh n’3 hapa t’thjeshtë me i ba.
Mundesh me e lexu edhe…
BREDH MEZE 3
Edhe kjo meze, si 2 t’parat po duket e vështirë me u realizu, por nuk asht. Lulet prej suxhuku tashma mundesh me i përdorë edhe n’këtë pjatë, e suxhulu mundesh poashtu me e palosë n’katërshe dhe me e radhitë n’varg. Djathin Brie poashtu e prenë n’rriska, njilloj sikurse edhe djathin e marinum n’shegë. Kokrra t’rrushit, t’shegës e thanave t’karamelizume mundesh me përdorë kudo që ke hapësirë, bashk me badema, rriska karrotash dhe gjethe rozmarine. Fruta t’ndryshme t’malit, ullinjtë dhe kubëza djathi t’katunit poashtu e kompletojnë edhe ma shumë këtë super-meze, andaj mos hezito me i shtu.
BREDH MEZE 4
Kjo meze e dëshmon se jo patjetër t’nevojitet pjatë n’formë bredhi për me mujt me e përgatitë nji meze interesante. Ti mundesh me përdorë edhe dërrasë druri, tabak apo pjatë t’çfarëdoshme. Për trungun e bredhit përdor shtapiqa, poashtu rriskat e holla t’kastravecit mundesh me i shfrytëzu për me e kriju bazën e bredhit. Kubëza kashkavalli Cheddar dhe gjethe rozmarine mos e le pa i vendosë sipër e mbi to shto kokrra rrushi. Shto edhe kube kashkavalli klasik, fruta mali sikur boonicat apo mjedrrat dhe mos e le pa i shtu edhe pak djathë Gordonzolle bredhit. Dekoroje pjesën e naltë me kashkavall t’prerë n’formë t’yllit dhe sipër krejt mezes shto thana/brusnica t’thata.
Këta shembuj janë lehtësisht t’ndryshueshëm dhe ti nuk ke nevojë me e reduktu vehten veç n’këta përbërës. Bredh-mezet lajnë mjaftueshëm mundësi me lujt’ me harxh e me shfaqë kreativitet – e ti nuk ke pse nuk e ban nji gja t’tillë. E meqë jemi te pjatat festive, e ke mundësinë me mësu qysh me e përgatitë meze-kurorën e me e hijeshu edhe ma tepër secilën tryezë. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
