Karrota pa dyshim asht nji prej perimeve ma t’shnetshme dhe ma t’preferueshme për konsumim qoftë prej mjekëve, nutricistëve, dietologëve e trajnerëve t’fitnesit.
E pasun me vitaminë A, K si dhe me shumë fibra, karrota kryeson listën e ushqimeve t’shnetshme dhe asht përbërës perfekt për recetat që forcojnë imunitetin. E ne jemi siguru me t’i sjellë 5 recetat ma t’mira, ma t’shijshme e ma t’shnetshme me t’i përmbledhë n’1 vend; secila recetë ka me t’lanë pa mend.
1. SMOOTHIE ME KARROTË DHE BANANE
Smoothie me karrotë dhe banane asht nji prej kombinimeve ma t’lehta e ma t’mira për smoothie, sepse krejt çka t’nevojitet janë 2 minuta dhe 3 përbërës. Plus, kjo recetë asht tanësisht vegane e i përshtatet edhe atyre që kanë intolerancë ndaj laktozës dhe nuk përdorin qumësht.
2. SUPA ME KARROTË DHE XHENXHEFIL
E njohun edhe si imuno-supë, supa me karrotë dhe xhenxhefil asht supa që DUHESH me e përgatitë po e pate imunitetin pak ma t’dobët, apo po deshe mos me u ftohë gjatë këtyre ditëve ku çdo i dyti asht me ndonji ftohje, grip apo koll. Për ma tepër, kjo supë asht ideale për kando që asht vegjetarian/e, sepse nuk përmbanë produkte shtazore dhe i duhen 3 hapa t’thjeshtë për me e realizu.
Mundesh me e lexu edhe...
3. ROLLATA ME HUMUS DHE PERIME
Rollata me humus e perime (përfshirë edhe karrotat) asht nji prej rollatave plot shije t’cilat mundesh me e përgatitë qoftë për mëngjes, me ua ba gati fëmijëve për shkollë, me e marrë për drekë n’pauzë me vehte apo edhe me i gostitë mysafirët n’darkë – mjafton me i ndjekë 2 hapa tepër t’thjeshë.
4. SMOOTHIE ME MOLLË, KARROTA DHE XHENXHEFIL
Nuk asht nevoja me i pritë e përcjellë gripat, kur mundemi me ju parapri me shumë pak harxh, edhe ma pak mund e shumë vitamina. Smoothie me mollë, karrota e xhenxhefil asht ideal për me t’mbajtë n’top formë gjatë kësaj periudhe. Krejt çka t’duhet asht 1 minut kohë, 1 blender dhe 3 përbërës.
Nëse je kurreshtar/e me ditë se cilat benefite i gëzon me konsumimin e këtij smoothie-t, ne po t’tregojmë se falë karrotave ti furnizohesh me beta-karoten; nji super antioksidant. Poashtu prej tyre merr edhe vitaminë C, K dhe E, furnizohesh edhe me kalcium, fibra dhe magnez.
Shijojji këto receta kurdo që ke kohë dhe shfrytëzoje rastin me ua servu edhe fëmijëve qoftë si shujta apo pije – kombinimet e masipërme, meqë sigurtë kanë me ju pëlqy. Poashtu, e ke rastin me i mësu 4 aspekte që duhesh me i pas’ parasyshë nëse zien perime n’avull, e që janë shumë ndihmuese nëse e praktikon këtë formë t’përgatitjes t’ushqimit. Shijo! /katror.info/
Përgatiti:
