A ke ra n’hall se çka me marrë me vehte n’punë ose çka me ju përgatitë fëmijëve për shkollë, sepse edhe ushqimi i gatshëm ju asht ba bajat – jo veç për pauzë, por edhe për mëngjes? Mos u merakos, sepse ne e kemi nji super ide se çka mundesh me përgatitë.
Kutia e mëngjesit me vezë dhe avokado asht sygjerimi jonë i radhës për ty që preferon me hangër sa ma shnetshëm, me ju përgatitë edhe picirrukëve ushqim për shkollë a qerdhe, por edhe që mundohesh me kursy pare e mos me harxhu shumë n’shujta t’kushtueshme. Gati brenda 10 minutave, kjo kuti mëngjesi asht zgjidhja ideale për tipin tand.
PËRBËRËSIT (Servimi për 4):
6 ve t’ziera (t’prera n’mes)
4 x 100 gr tomatina
4 x 1/4 avokado (e prerë n’rriska t’holla)
4 x 1/4 lugë çaji lang limoni
Kripë dhe biber i zi (Opsionale)
6 rriska bukë thekre (t’prera n’gjysmë – trekandëshe)
Mundesh me e lexu edhe…
PËRGATITJA:
Shto tomatinat, avokadon, vezët dhe rriskat e bukës n’kutinë e pauzës. Shto sipër kripë dhe biber sipas dëshirës. Copëzat e avokados përziji me lang t’freskët limoni n’mënyrë që mos me t’u oksidu (nxi) avokadoja. Vendose kutinë n’frigorifer. Kurdo që untohesh nxjerre dhe haje.
REZULTATI:
Ti mundesh t’njejëtën përgatitje me e ba edhe anëtarëve t’tjerë t’familjes dhe fëmijëve e me ua dhanë për shkollë, ose me përgatitë shujtën e njejtë për 2 ditë rreshtazi (përveç avokados që duhesh me e përgatitë ma vonë se oksidohet) dhe me e rujtë n’frigorifer pa problem. Poashtu, mundesh këtë shujtë me e shoqnu me smoothie-n me mango dhe ananas, apo smoothie-n me shegë.
Poashtu, nëse je n’kërkim t’ideve t’tjera për shujta t’shnetshme e t’përshtatshme për pauzë, mos e le pa e provu edhe kutinë proteinike me ve, qiqra, perime dhe humus, kutinë e pauzës me ve, rrush dhe gjalpë kikiriku, kutinë e pauzës me ve dhe jogurt frutash, apo edhe kutinë e pauzës me perime dhe sos tzaziki.
E nëse je ka don me provu ndonji sanduiç t’shijshëm e me marrë me vehte n’punë për pauzë, atëherë ne ta rekomandojmë sanduiçin me sallatë vezësh – sanduiç i mbushun shije. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
