Për vikendet plot shije e t’mira, ha tost me rikotë dhe tomatina

Rikota konsiderohet nji prej produkteve ma t’famshme e ma t’përdorshme t’kuzhinës italiane, por edhe asaj mediterane e që lehtësisht mundet me u përfshi n’shumë gatesa t’cilat padiskutimisht janë tepër t’shijshme. Andaj, jo kot shumica e njerëzve t’shnetshëm pjesë t’dietës t’tyre e kanë edhe konsumimin e këtij djathi n’forma t’ndryshme, veçanarisht n’gatimet e mëngjesit.

Kremoziteti dhe shija unike e rikotës janë 2 cilësi që e komplementojnë secilën pjatë a shujtë, dhe padiskutimisht ky djathë kombinohet mirë e lehtë me shumë ushqime t’tjera. E ne kësaj radhe ta kemi kombinu rikotën me tomatina, duke e kriju kështu recetën plot shije t’tostit me rikotë dhe tomatina.

PËRBËRËSIT (servimi për 2-3 persona):

5-6 rriska buke
200 gr rikotë
250 gr tomatina
1 lugë gjelle vaj ullini
2 thelpinj hudhër (t’prerë n’rriska)
Kripë dhe biber i zi (Opsionale)
1/2 lugë çaji oregano
Gjethe rukolle (Opsionale)

HAPI 1:

Fillimisht nxeje furrën për 5 minuta n’200 C, n’ndëekohë që n’tepsi t’furrës shton letër për pjekje dhe i renditë rriskat e bukës sipër. N’nji tepsi porcelani shto tomatinat, erëzat, vajin e ullinit dhe rriskat e hudhrës e përziji mirë ato. Vendosi n’furrë e pjeki për 7-10 minuta – por sigurohu mos me u djegë bukët.

HAPI 2:

Largo rriskat e bukës prej tepsisë, vendosi n’pjatë, shto nga 1 e 1/2 lugë gjelle djathë rikote sipër çdo rriske dhe përhape sasinë mirë.

HAPI 3:

Sipër çdo rriske shto tomatinat me hudhrat e pjekuna dhe shto sipër tostave pak nga langu që ato kanë lëshu. Dekoro me ekstra oregano, kripë e biber dhe pak gjethe rukolle sipër dhe servo!

REZULTATI:

Njisoj sikurse tostat me avokado dhe tomatina, këta tosta ma s’miri shijojnë t’shoqnum me nji filxhan kafe, ose çaj me xhenxhefil dhe shafran për mëngjes. E nëse don fuqishëm me nisë ditën, për ekstra energji ta rekomandojmë me e shoqnu këtë pjatë me smoothie-n me mollë dhe dredhëza, t’cilin e ke hazër n’dakik.

Poashtu, kjo recetë, mundet shumë lehtë me u kthy edhe n’anipastë dhe me u përdorë gjatë drekave/darkave t’ndryshme e me u servu si meze, njilloj sikurse edhe brusketat klasike italiane, ose brusketat kapreze. Shijo! /katror.info/

Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria