Dredhëzat kanë qenë dhe mbesin nji prej frutave ma t’preferuara t’shumicës prej nesh. Kështu edhe fëmijët i hajnë ato pa përtesë, e besa edhe ne t’mëdhenjët nuk ua lajmë keq, sepse, ka diçka tek dredhëzat që na lidhet me ambëlsinë, desertet, fëmijërinë e gjanat e mira. Listës prej 3 kombinimeve t’smoothie-ve me dredhëza, po i shtohet edhe nji kombo tjetër.
Smoothie me molla dhe dredhëza asht kombinimi i cili ta garanton shijen perfekte gjatë nji mëngjesi dembel e ku nuk ke nerva me mendu çka me përgatitë. Pak përbërës e 2 minuta kohë janë krejt çka t’duhen me ja nisë ditës mirë e ambël.
PËRBËRËSIT:
50 gr dredhëza
1 mollë (e prerë n’copa)
1 lugë jogrut grek
1/2 gotë qumësht
1 lugë e mesme mjaltë
PËRGATITJA:
Futi t’gjithë përbërësit n’blender e bluji mirë deri sa t’kesh nji sasi t’njitrajtshme. Servo.
REZULTATI:
Servo n’gotë e pije menjiherë e shtoja nji dredhëz sipër për dekor, ose vendose smoothie-n n’shishe xhami, fute n’frigorifer e pije gjatë ditëve t’ardhshme. Mjafton me e shkundë pak shishen para se me pi smoothie-n. Ti mundesh t’njejëtën përgatitje me e ba edhe për fëmijët e me ua dhanë për shkollë, e pse jo këto shujta me i shoqnu me nga nji kuti pauze me njanën prej 5 kutive t’pauzave t’cilat mundesh lehtësisht me i përgatitë, apo me kutinë e pauzës me ve dhe sos avokadoje, apo. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
, që me qëndru i/e ngopun për ma gjatë.
Përgatiti:
