Sado me qenë person që kujdeset n’ushqim dhe nuk janë bash gjithëçka, shancë nuk ka pa lakmu nonji herë me hangër ndonji ambëlsinë, çokollatë a keks. Kështu, bombicat e kungullit, ose bombicat proteinike e kanë dëshmu se janë prej recetave t’lehta me i përgatitë, t’shijshme, por edhe ma t’shnetshme. Ama, që naj herë nuk bahet nami edhe me ja prishë pak me diçka t’ambël e jo fort t’shnetshme e dëshmon receta jonë e radhës.
Oreo-bombicat janë sygjerimi jonë i radhës, për ty që ke qejf me hangër ambël, por nuk ke qejf me e tepru me ambëlsina t’mëdhaja. Krejt çka t’duhet për përgatitjen e këtyre super-kafshatave plot shije asht pak harxh, kohë e pak vullnet me i ndjekë disa hapa fort t’thjeshtë.
PËRBËRËSIT PËR BOMBICAT:
1 paketim oreo (me 36 keksa)
4 lugë gjelle krem-djathë
250 gr çokollatë e shkrirë
PËRBËRËSIT PËR KARAMELIN:
3/4 gotë krem-qumësht
1 gotë sheqer i kafët
2 lugë gjrllr gjalpë
1/4 lugë çaji kripë
1/4 lugë çaji ekstrakt vanille
Pak kripë e trashë (për servim / opsionale)
Mundesh me e lexu edhe...
HAPI 1:
Vendos oreo keksat n’blender e bluje masën mirë. Shto krem-djathin dhe përzije masën mirë deri sa t’krijohet nji konsistencë brumi.
HAPI 2:
Me lugë merr sasi t’vogla t’masës e krijo toptha / bombica prej tyre. Vendosi bombicat n’pjatë me letër e futi n’frigorifer për 30 minuta.
HAPI 3:
Ngule bombicën n’rrëmojcë dhe zhyte n’çokollatë t’shkrirë. T’njejëtin hap përsërite me t’gjitha bombicat.
HAPI 4:
Vendosi bombicat e mbulime me çokollatë n’tepsi me letër dhe leji me u ftohë n’ndërkohë që vazhdon me hapin e radhës.
HAPI 5:
Shto t’gjithë përbërësit për karamelin n’tenxhere dhe përziji mirë.
HAPI 6:
N’temperaturë mesatare leje tenxheren me vlu e përzije masën vazhdimisht, deri sa t’krijohet nji sos i kafët. Kjo precedurë zgjatë diku 8-10 minuta. Largo tenxheren dhe leje karamelin me u ftohë për 10 minuta.
HAPI 7:
Vendose karamelin n’qese për dekorim. Merre tepsinë me bombicet dhe spërkati me karamel sipër.
HAPI 8:
Për ekstra shije shto pak kripë t’trashë sipër secilës oreo-bombicë dhe servo.
REZULTATI:
Servoji oreo-bombicat me kafe apo çaj n’vend t’ambëlsinave ose paketoji n’kuti plastike e merri me vehte n’punë, boja gati fëmijëve për shkollë – sa me ja prishë pak. E ngjashëm, ti mundesh me i përgatitë edhe keksat prej tërrshanës, keksat me xhenxhefil, apo keksat me gjalpë kikiriku, që poashtu i ke gati n’dakik, madje nuk ke nevojë me i pjekë hiç. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
