Pesto-sallatë me qiqra; pjata që shkon me keksa e çipsa

Kushdo që punon e që i bjen shpesh me dreku jasht e din sa shpejtë harxhohen idetë edhe mundësitë për me porositë diçka t’shijshme, jo fort t’shtrejtë e që nuk t’bahet bajat. Biles, me çmimet n’rritje e sipër, çdo herë e ma shumë po lindë nevoja me u ushqy, por pa harxhu shumë. E mira e t’mirës kish me qenë me marrë ushqimin me vehte prej shtëpisë. Megjithatë, jo çdoherë kemi kohë a mundesi me përgatitë sot për nesër. Me e thanë shkurt e shqip: diijmë me u dembelavë nga pak.

Contents

E shpejtë, e lehtë dhe jo fort e kushtushme asht receta për pesto-sallatën me qiqra; versionin vegjetarian t’sallatës me pulë dhe pesto, të cilën mundesh me e përgatitë edhe nëse nuk je naj farë kuzhinieri/e e me marrë me vehte për pauzë. Mjafton me i ndjekë disa udhëzime t’thjeshta.PËRBËRËSIT:HAPI 1:HAPI 2:HAPI 3:REZULTATI:

E shpejtë, e lehtë dhe jo fort e kushtushme asht receta për pesto-sallatën me qiqra; versionin vegjetarian t’sallatës me pulë dhe pesto, të cilën mundesh me e përgatitë edhe nëse nuk je naj farë kuzhinieri/e e me marrë me vehte për pauzë. Mjafton me i ndjekë disa udhëzime t’thjeshta.

PËRBËRËSIT:

3 lugë gjelle majonezë
3 lugë gjelle pesto shtëpie
1 lugë gjelle lang limoni
250 gr qiqra t’konservume (t’kullume mirë)
1/4 qepë e kuqe (e grirë imët)
1/4 tufë majdanoz ( i grirë imët)
Biber i zi (Opsionale)

HAPI 1:

N’nji enë shto majonezin, biberin, langun e limonit dhe peston e përzije masën mirë deri sa t’bahet e njitrajtshme,

HAPI 2:

N’enë t’thellë shto qiqrat e shpërlame dhe t’kullume mirë. Bashko edhe qepën e magdanozin e grirë imët.

- ADVERTISEMENT -

HAPI 3:

Shtoja qiqrave dressing-un e krijum me pesto e majonezë dhe përzije masën mirë. Vendose enën n’frigorifer për 5-15 minuta e pastaj servo.

REZULTATI:

Servoje pesto-sallatën me qiqrra me çipsa, petë t’rreshkuna tortille apo keksa t’njelbët si ushqim ideal për ndonji mes-shujtë a ndonji vakt kur nuk je edhe qaq untë, për ndonji aheng kur gostit’ mysafir.

Ngjashëm sikurse edhe sallata me qiqra dhe sos tahini, kjo sallatë asht ideale për me kriju nji “tuna sanduic” vegjetarian. Mjafton me i rreshkë 2 rriska buke, me i ly me miksin e krijum me qiqra e me e shiju. Biles, edhe për pauzë asht receta perfekte për ty që je vegjetarian/e.

E mbasi veç jemi te sanduiçët e shijshëm, t’mirë, t’lehtë e t’përshtatshëm për pauzë, mos e le pa i provu edhe 4 sanduiçat tanë t’cilët mundesh me i marrë me vehte n’punë. Shijo! /katror.info/

Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria