Kuizina italiane njihet për variacionet e ndryshme t’sosave t’cilët përdoren n’pasta t’ndryshme, sanduiçë, pica e brusketa. E prej soseve ma t’famshme patjetër që janë sosi i kuq i domates dhe pestoja. Dyjat unike e plot shije, nime e përmbushin secilën pjatë.
Kësaj radhe kemi vendosë me e nda me ty recetën klasike t’pestos italiane. Këtë pesto mundesh me e përgatitë n’kushte shtëpie, me përbërës t’freskët, n’pak minuta kohë e me e shfrytëzu për çdo recetë t’mundshme për ditë e javë t’tana me radhë. Mjafton me i ndjekë hapat n’vijim.
PËRBËRËSIT:
4 gota borzilok
3 thelpinj hudhër
1 lugë gjelle lëng limoni të freskët
1/3 filxhan fara pishe ose arra
1/3 filxhan parmezan (t’grirë)
1/2 lugë çaji kripë
Biber i zi (Opsionale)
5 lugë gjelle vaj ulliri
Mundesh me e lexu edhe…
- Advertisement -
PËRGATITJA:
Shto zarzevatet n’blender e bluji pak e nga pak. Pra, kohë pas kohe ndale blenderin, përzije masën e ndeze prap blenderin, deri sa t’krijohet nji masë sosi. Shto ma tepër kripë ose biber nëse mendon që ka nevojë – pasi ta provosh.
- Advertisement -
REZULTATI:
Peston ruje n’tegëll xhami e vendose n’frigorifer. Kësisoji ai qëndron i freskët dhe mundesh me e përdorë për 1 muj. Po e mbylle tegllën hermetikisht, pestoja qëndron e freskët për 3 muj’.
Kështu, sosin me pesto e ke t’gatshëm qoftë për pasta me pesto, qoftë për sanduiç apo edhe për picë a tortilla t’ndryshme. Gjithashtu, nëse nuk gjenë fara pishe (pine nuts) n’treg, mundesh lirisht peston me e përgatitë me arra vendore. Shijo!
E mbasi veç ke shprehë interesim për recetën e nji prej recetave t’sosëve ma t’famshëm iitalianë, po na e merr mendja që t’kishin interesu edhe disa fakte interesante për kuizinën italiane, /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
