Nuk don diskutim që perimet e sezonës, bostani, pjepni e frutat e tjerë zajnë vend dukshëm ma t’madh n’3 mujorin ma t’nxehtë t’vitit, bashk me sallatat e ndryshme. Por a mbahet shpirti veç me sallata? – Mbahet, nëse i gërsheton sallatat me ushqime ma ngopëse sikurse janë pastat – që as nuk ta randojnë fort lukthin, por as nuk ta lajnë thatë, e që edhe pèrshtaten mirë me përbërësit e tjerë. E për me t’bindë që nime asht qashtu, ditë ma parë t’i patëm listu 7 super receta t’pasta-sallatave ideale për verë.
Listës t’pasta sallatave verore po ja bashkangjesim kësaj here edhe 1 super-recetë që gërsheton n’mënyrë perfekte pastat, specifikisht shpagetat, me përbërës t’freskët e plot shije. Kështu, ti ke mundësinë me kriju njanën prej pjatave t’famshme t’Kalifornisë, ndryshe e njohun edhe si pasta-sallata “California” – pjatë kjo t’cilën me pak harxh e mund e ke gati brenda 15 minutave.
PËRBËRËSIT PËR SALLATËN (servimi 4-6):
1 paketim shpageta (t’ziera e t’kulluara)
1 kungulleshe (e prerë n’copë mesatare)
2 kastraveca (t’prerë n’copë mesatare)
100 gr ullinj kallamata (t’prerë n’rriska)
150 gr tomatina (t’prera n’mes)
1 spec i kuq (i grirë imët)
1 spec i gjelbërt (i grirë imët)
1 qepë e kuqe (e grirë imët)
PËRBËRËSIT PËR DRESSING-UN:
4 lugë gjelle vaj ullini
1 lugë gjelle uthull molle
1 lugë gjelle uthull balsamike
2 lugë gjelle lang portokalli
2 lugë gjelle fara susami
1 lugë çaji kripë
1 lugë çaji biber i zi
1 lugë çaji oregano
HAPI 1:
N’nji pjatë shto t’gjithë përbërësit e dressing-ut dhe me tel kuzhine përziji mirë përbërësit deri sa t’njitrajtësohet masa.
HAPI 2:
Ziji shpagetat për 9-10 minuta n’ujë me kripë dhe pastaj kulloji mirë.
HAPI 3:
N’nji pjatë t’thellë shto shpagetat, perimet e grira dhe dressing-un gradualisht e përzije masën mirë deri sa t’gjithë përbërësit t’mbulohen me dressing. Leje sallatën n’frigorifer për 5 minuta dhe servo.
REZULTATI:
Servoje pasta-sallatën “California” si pjatë kryesore apo pjatë shoqnuese kurdo që ke nevojë me hangër diçka sa ngopëse, po aq edhe t’freskët. Poashtu, meqë asht sallatë e ftohtë, mundesh me përgatitë ma shumë e pastaj me e rujtë pjesën e mbetun n’frigorifer. Kësisoji 2-3 ditë mundesh me e konsumu sallatën, besa edhe me e marrë me vehte n’punë për pauzë. Mjafton që sallatës me ja shtu 1/3 e dressing-ut n’fillim e pjesën tjetër me ja shtu n’momentin që vendosë me e hangër sallatën – n’mënyrë që mos me mlbedhë lagështi e me u qullavë pastat.
E mbasi veç jemi te pastat dhe recetat me pasta, mos e le pa i provu edhe pasta brusketat si dhe shpagetat vegjetariane t’cilat edhe mos me kanë vegjetarian kanë me t’pëlqy. Ti poashtu mundesh me i gjetë edhe 3 receta t’pastave t’cilat mundesh me i përgatitë për ndonji darkë a drekë plot me shije. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
