Kur flasim për gjanat e mira e t’shijshme, duhet me e pranu që jo patjetër nji pjatë duhet me përmbajtë mish për me qenë e shijshme. Këtë e dëshmojnë recetat e ndryshme vegane dhe vegjetariane, përfshirë edhe 7 pjatat tona vegjetariane. E shoqni këtyre pjatave po i ban edhe receta e qofteve vegjetariane prej lulelakrës bashk me recetën tonë t’radhës.
Brokolli-qoftet specialiteti vegjetarian i radhës t’cilin ta rekomandojmë me patjetër me e provu; T’krijume tanësisht prej produkteve vegjetariane, këto qofte thjeshtë ta bombardojnë gojën me shije. E krejt çka t’duhet ty janë 10-15 minuta n’total e 3 hapa me i ndjekë, n’daç me i pasë gati këto super-qofte.
PËRBËRËSIT:
1 brokolli (e grirë imët)
1 ve
1/4 qepë (e grirë imët)
2 thelpinj hudhër (t’gira imët)
100 gr kashkavall (i grirë)
2 lugë gjelle miell
1/2 lugë çaji kripë
1/2 lugë çaji biber
1/2 lugë çaji oregano
4 lugë gjelle vaj ullini
Mundesh me e lexu edhe…
HAPI 1:
N’nji pjatë shto t’gjithë përbërësit (përveç vajit) dhe përziji mirë, deri sa t’krijohet nji masë e njitrajtshme.
HAPI 2:
Krijo qofte t’shtypuna prej masës dhe vendosi n’tepsi me letër.
HAPI 3:
N’tigan t’nxehtë shto vajin e ullinit e pasi t’nxehet shto qoftet. Pjeki qoftet n’secilën anë ka 5 minuta dhe largo nga tigani e servo.
REZULTATI:
Servoji brokolli-qoftet me salsën pikante meksikane, apo me salcën e famshme greke Tzaziki t’cilën lehtësisht mundesh me e përgatitë vet, apo njanën prej 4 sosave që shkojnë me gjithëçka.
E meqë jemi tek qoftet, mos e le pa i provu edhe qoftet me thjerrëza; që të 2 variantet mundesh me i përdorë qoftet si kombinim për sanduiçë t’ndryshëm ose burger vegjetarian, por edhe mundesh me i shoqnu me pjata si patatet e mbushura me djathë. Kurse nëse je n’kërkim t’recetave t’qofteve me mish, atëherë qoftet e pulës dhe qoftet greke janë sygjerimi jonë për ty dhe meraklitë e tjerë t’mishit. Shijo! /katror.info/
Përgatiti:
