Mëngjeset e nisuna mirë, janë ato mëngjese ku ushqehemi mirë. Andaj edhe asht mirë me e përgatitë nji mëngjes t’mbushun me vlera ushqyese e t’shnetshëm. Mirëpo, jo çdo herë mrrijmë me e nxanë mëngjesin herët e me e përgatitë nji vakt t’shijshëm e t’mirë,, veçanarisht vikendeve, kur pritojmë me u çu herët. Qata recetat sikurse fritatta mediterane, apo fritatta me spinaq dhe tomatina janë ideale për nji super-mëngjes kampionësh e pse jo edhe ndonji vikend dembel a “Brunch”.
Fritatta me spinaq dhe djathë dhie asht nji gatesë perfekte me u përgatitë kur je vet i/e katërti/a e kur nuk ke nerva me mbetë gjatë n’kuzhinë, sepse, nuk don shumë punë e as shumë harxh. Këtë e kanë dëshmu recetat paraprake e ka me e dëshmu edhe receta e radhës me spinaq dhe djathë dhie.
PËRBËRËSIT:
8 ve
¼ gotë qumësht
½ lugë çaji kripë
½ lugë çaji piper i zi
3 lugë gjelle vaj ullini
150 gr spinaq (i prerë)
150 gr kërpudha (t’prera n’rriska)
120 gr djathë dhie (i grimcum)
1/5 tufë magdanozi (e grirë)
HAPI 1:
N’nji enë t’thellë shto vezët, qumështin, magdanozin, kripën dhe biberin e përziji mirë me tel kuzhine, kurse n’tigan shto vajin, kërpudhat dhe spinaqin e kavërdisi për 5 minuta e pastaj shto vezët e rrahuna.
Mundesh me e lexu edhe…
HAPI 2:
Leji vezët me u pjekë n’tigan për 5 minuta, shto djathin e troshitun sipër e shto kapakun sipër tiganit. Ule temperaturën n’mesatare dhe pjeki vezët për 8-10 minuta. Servo.
REZULTATI:
Servo fritatta-n n’pjatë si t’plotë, apo ndaje n’copëza trekandëshe, njilloj sikurse e ndanë nji torte. Shoqnoje po deshe me pak rriska buke t’rreshkun, gjersa e shijon nji filxhan kafe.
Shijoje këtë shujtë me 1 prej 5 smoothie-ve t’verdha t’cilat çdokush DUHET me i provu. Ti poashtu mundesh me nisë mëngjesin me 1 prej 3 rekomandimeve t’tona për mëngjes t’mirë. Kurse për ditët kur don me përgatitë diçka qoftë për me hangër aty për aty, apo me e marrë me vehte për pauzë, mos e le pa e provu sanduiçin tonë italian me pesto dhe mocarellë. Shijo! /katror.info/
Përgatiti:
