Kënaqe shpirtin me nji super-tamëloriz n'4 hapa t'thjeshtë

Ushqimet tradicionale definitivisht janë pasuni e vlerë me t’cilat me shumë t’drejtë krenohemi. E sado me qenë super-kuzhinier/e, besa edhe gurman/e e me provu gjithçka, prapë se prapë n’fund ju kthehemi recetave tradicionale, ushqime e gatesa këto që tregojnë se përmes gatimit me pak harxh e gjana nuk asht ba kompromis me shije. E që ushqimi n’kulturën tonë asht element bajagi i randësishëm e dëshmojnë edhe 16 thanjet e urta shqiptare ku përmendet ushqimi.

Contents

N’daç thuji tamëloriz, n’daç sultiash a sutliash – orizi i zier n’qumësht me sheqer vazhdon e mbetet nji prej ambëlsinave ma t’shijshme e ma t’veçanta n’kuzhinën shqiptare, pa t’cilën shumë familje nuk e paramendojnë ramazanin, festat ose drekat e darkat familjare. E lehtë dhe e thjeshtë ama plot shije, asht receta jonë e tamëlorizit t’cilën mundesh me e përgatitë n’4 hapa super t’thjeshtë.PËRBËRËSIT:PËRBËRËSIT SHTESË:HAPI 1:HAPI 2:HAPI 3:HAPI 4:REZULTATI:

N’daç thuji tamëloriz, n’daç sultiash a sutliash – orizi i zier n’qumësht me sheqer vazhdon e mbetet nji prej ambëlsinave ma t’shijshme e ma t’veçanta n’kuzhinën shqiptare, pa t’cilën shumë familje nuk e paramendojnë ramazanin, festat ose drekat e darkat familjare. E lehtë dhe e thjeshtë ama plot shije, asht receta jonë e tamëlorizit t’cilën mundesh me e përgatitë n’4 hapa super t’thjeshtë.

PËRBËRËSIT:

1 gotë oriz
1 e 1/2 gotë qumësht
1/2 gotë ujë
1 gotë sheqer
1 lugë gjelle sheqer vanille / ekstrakt vanille

PËRBËRËSIT SHTESË:

Kanellë
Fëstëka
Badema
Brusnica
Rrush i thatë
Arra
Kajsia t’thata
Kumbulla t’thata
Lajthia t’thata

HAPI 1:

Fillimisht shpërlaje orizin mirë dhe largoje ujin e tepër. Pastaj n’tenxhere shto sheqerin dhe ujin e përziji mirë. Shto qumështin dhe leje me vlu masa për 5 minuta – sigurohu mos me u djegë qumështi. Shto orizin.

- ADVERTISEMENT -

HAPI 2:

Ule temperaturën e shporetit dhe zije orizin me qumësht për 50-60 minuta n’temperaturë t’ulët dhe duke e përzi kohë pas kohe masën deri sa t’fillojë me u shterrë/trashë qumështi.

HAPI 3:

Largo tenxherën prej shporetit dhe vendose masën n’pjata t’thella. Spërkat sipër pjatës pak kanellë po deshe.

HAPI 4:

Për ekstra shije përdor fruta t’thata dhe arrore, t’cilat ose i grimcon, ose i len t’plota e i vendos sipër pjatave me tamëloriz.

REZULTATI:

Servoje tamëlorizin t’nxehtë e haje menjiherë, ose nëse parapëlqen me e hangër t’ftohtë vendose n’frigorifer për 1 orë e pastaj servo – n’temperaturë t’ftohtë kjo ambëlsinë qëndron e ngranshme për 3-4 ditë. Kësisoji ti mundesh me përgatitë ma shumë sasi po deshe dhe me hangër për disa ditë rresht. E nëse ke qejf me i dhanë shije interesante kësaj gatese, kompoti i dardhës, kompoti i mollës, apo reçeli i dredhëzave janë disa prej reçelëve/kompotëve t’cilët ta rekomandojmë me e kombinu tamëlorizin. Shijo! /katror.info/