Nji prej trendeve “virale” t’recetave n’rrjetet sociale s’voni asht ba edhe krem sallata me kastraveca, e ne nuk patëm qare pa e provu, u ndamë t’kënaqun e tash po ta rekomandojmë edhe ty, pikërisht sepse ja vlenë me u përgatitë e me u hangër.
Krem sallata me kastraveca asht nji version i taratorit klasik e edhe Tzaziki salcës (sosit grek), por megjithatë dallon. Ama fakti që asht ndryshe dhe i ngjashëm me këto dy kombinime, kjo sallatë veç çka asht edhe ma e shijshme, anipse super e thjeshtë me u përgatitë (2 hapa e pak punë janë t’bollshme).
PËRBËRËSIT:
2 kastraveca t’mëdhenj (t’prerë n’rriska t’holla)
1/2 qepë e kuqe (e prerë n’fije t’holla)
40 gr kopër (i imtësum)
3 lugë gjelle uthull e verës t’kuqe
1/2 gotë jogurt grek (kos pa yndyrë)
1 lugë çaji hudhër pluhun
1 lugë gjelle sheqer
1 lugë çaji kripë
Biber i zi (Opsionale)
HAPI 1:
Shto jogurtin, erëzat dhe uthullën, sheqerin e koprin n’nji enë e përziji mirë.
Mundesh me e lexu edhe…
HAPI 2:
N’enë tjetër shto rriskat e holla t’kastravecave bashk me fijet e qepës. Shto sosin me erëza e përzije sallatën mirë.
REZULTATI:
Kjo sallatë shkon shumë si shoqnuse e pjatave kryesore sikurse janë kungulleshat e mbushuna me pulë, apo edhe qorba e pulës me thjerrëza. E besa edhe salmonin e pjekun me hudhër e erëza mundesh me e shoqnu me krem sallatën me kastraveca po deshe.
E meqë jemi tek sallatat, mos e le pa i provu ndonjanën prej 4 super sallatave “virale” t’cilat i kemi rekomandu kohë ma parë, apo edhe sallatën me makarona. Shijo!
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
