Sallatat e kombinume me pasta janë trend n’rritje e ne po e shohim pse – sepse, po i bashkon 2 t’mira me 1 vend. N’daç pastë, e n’daç sallatë, lehtësisht munden me u kombinu e me e përba nji pjatë plot me shije, por edhe vlera ushqyese (mos i llogarit karbohidratet, por vitaminat).
Sallata klasike e makaronave, apo edhe pasta sallata greke, nuk po mbesin sygjerimet e vetme t’kategorisë (sallatë + makarona), meqë ne po ua bashkojmë edhe simotrën; pasta-sallatën me spinaq. 2 hapa super t’thjeshtë e pak përbërës janë ma se t’mjaftueshme për me e kompletu nji pjatë plot me shije.
PËRBËRËSIT:
1 qepë e kuqe (e prerë n’fije)
1/2 paketim makarona t’ziera
200 gr spinaq i njomë
1 thelb hudhër (e imtësuar)
150 gr domate t’thata (t’prera)
3 lugë gjelle vaj ullini
3 lugë gjelle uthull vere t’kuqe
80 gr djathë feta (i grirë)
Kripë dhe biber i zi (Opsionale)
100 gr kërpudha t’konservume ose 100 gr artiqokë t’konservume (t’prera n’copa)
Mundesh me e lexu edhe…
HAPI 1:
N’nji enë t’thellë shto vajin, verë, kripën e biberin si dhe thelbin e hudhrës. Përzije masën e shto makaronat e ziera e t’kulluara mirë. Përziji mirë ato.
HAPI 2:
Shto domatet e thata, qepë, spinaqin dhe kërpudhat apo artiqokën e prerë. Shto edhe djathin feta e përzije sallatën mirë dhe servo.
REZULTATI:
Servoje pasta sallatën me spinaq pjatë kryesore apo edhe si paragjellë apo pjatë shoqnuese n’çfarëdo mbledhie, veçanarisht kur organizon ditëlindjet, festat e ahengjet familjare. Poashtu, meqë asht sallatë e ftohtë, mundesh me përgatitë ma shumë e pastaj me e rujtë pjesën e mbetun n’frigorifer. Kësisoji 2 ditë mundesh me e konsumu sallatën, besa edhe me e marrë me vehte n’punë për pauzë.
E mbasi veç jemi te pastat dhe recetat vegjetariane, mos e le pa i provu pastat me tomatina t’pjekuna, ose shpagetat vegjetariane t’cilat edhe mos me kanë vegjetarian kanë me t’pëlqy. Ti poashtu mundesh me i gjetë edhe 3 receta t’pastave t’cilat mundesh me i përgatitë për ndonji darkë a drekë plot me shije. Shijo! /katror.info/
Përgatiti:
