Sa ma e thjeshtë receta e nji pjate, aq ma e t’garantume e ke shijen n’disa raste. Këtë e dëshmojnë shumë receta t’cilat i kushtojnë randësi thjeshtësisë e lehtësisë t’përgatitjes, e që edhe hiç mos me ditë me gatu, nuk mundesh me ja huqë po i ndjeke udhëzimet. Kësisoji, receta jonë e kaqikave t’pjekun n’furrë si dhe receta e pulës me marinadë greke, kanë mundësi me u përgatitë n’sasi ma t’madhe e me u kombinu me ushqime e perime t’ndryshme përgjatë shujtave, veçanarisht me recetën e radhës
N’daç me e përgatitë nji drekë a darkë plot me shije, asht koha që ti me e provu pilafin me domate; recetë kjo e cila asht ideale për ata që pritojnë me harxhu shumë kohë n’kuzhinë, por edhe kanë qejf me gatu diçka t’thjeshtë e me pak harxh.
PËRBËRËSIT:
2 gota oriz i kafët
2 lugë gjelle vaj ullini
1 qepë (e grirë imët)
3 thelpinj hudhra (t’grira imët)
3 lugë gjelle pastë domatesh (Tomato paste)
1 lugë çaji kurkumë / shafran
½ lugë çaji kanellë
2 domate
1 lugë çaji kripë
3 gota supë perimesh (3 gota ujë + 1 e ½ kubëz vegjetariane)
¼ tufë magdanoz (për servim – opsionale)
HAPI 1:
Shto vajin e ullinit n’tigan bashk me qepë dhe kavërdise qepën për 5 minuta. Shto orizin, erëzat dhe domaten dhe pastën e domateve dhe kavërdisi edhe ato për 3-4 minuta.
Mundesh me e lexu edhe…
HAPI 2:
Përzije masën mirë dhe shtoja supën e përgatitun me kubëza vegjetariane. Leje orizin me u zi për 15 minuta e kohë pas kohe përzije. Vazhdo zije deri sa t’shterron tanësisht uji, diku rreth 20-25 minuta n’total dhe servo.
REZULTATI:
Servoje pilafin me pak gjethe magdanozi sipër dhe haje si pjatë n’vehte, apo shoqnoje me kubëzat e viçit me gjalpë hudhre, ose kaqikat e pjakun n’furrë. E nëse je duke mendu se me çfarë sallate mundesh me e shoqnu këtë super-pjatë, ne ta rekomandojmë sallatën mediterane me lakër, ose krem-sallatën me kastraveca.
Ti poashtu, mundesh me e përgatitë këtë sasi e me e ba gati për ditë t’tjera që me e pasë gati qoftë për drekë a darkë, por edhe për kuti pauze. Madje, mundesh me e u inspirtu edhe prej recetës klasike t’pulës me marinadë greke, kutisë t’pauzës me perime dhe sallatë pule, apo edhe shujtës me gjoks pule dhe me ja bashku pilafin. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
