Kur flasim për gjanat e mira e t’shijshme, duhet me e pranu që jo patjetër nji pjatë duhet me përmbajtë mish për me qenë e shijshme. Këtë e dëshmojnë recetat e ndryshme vegane dhe vegjetariane, përfshirë edhe 7 pjatat tona vegjetariane dhe 3 variantet vegjetariane t’qofteve. Ndërkaq, sot listës t’qofteve vegjetariane/vegane po ia shtojmë edhe 1 variant.
Qoftet me qiqra janë nji prej specialiteteve vegjetariane/vegane ma t’shijshme e ma t’lehta me u përgatitë dhe me shumë t’drejtë. T’krijume tanësisht prej produkteve vegjetariane, këto qofte thjeshtë ta bombardojnë gojën me shije. E krejt çka t’duhet ty asht pak harxh dhe me i ndjekë udhëzimet tona t’maposhtme.
PËRBËRËSIT:
200 gr qiqra (t’konservume))
1/4 gotë miell
1/4 gotë parmezan (ii bluar)
2 lugë gjelle ujë
1 lugë çaji biber i zi
1 ligë çaji hudhër pluhun
1 lugë gjelle magdanoz (i grirë)
1 lugë çaji kripë
4 lugë gjelle vaj ullini
HAPI 1:
N’nji pjatë shto t’gjithë përbërësit me përjashtim t’vajit dhe shtypi qiqrat me piru ose shtypëse për patate deri sa t’krijohet nji masë e përsheshtë dhe e njitrajtshme. Sigurohu që me i përzi përbërësit mirë.
Mundesh me e lexu edhe…
HAPI 2:
Krijo qofte / pleskavica prej masës dhe vendosi n’pjatë.
HAPI 3:
N’tigan shto vajin e ullinit e pasi t’nxehet shto qoftet. Fërgoji ato nga 4-5 minuta n’secilën anë. Largoji dhe servoji menjiherë.
REZULTATI:
Servoji qoftet me salcën e famshme greke Tzaziki t’cilën lehtësisht mundesh me e përgatitë vet, apo njanën prej 4 sosave që shkojnë me gjithëçka. Mundesh me i përdorë qoftet si kombinim për sanduiçë t’ndryshëm ose burger vegjetarian. Gjithashtu, këto qofte kombinohen jashtëzakonisht mirë me pjata t’tjera sikurse janë patatet e mbushura me djathë, sallatën mediterane me patate, ose me perime t’pjekuna n’furrë, si dhe me sallata t’ndryshme sikurse asht sallata mediterane e lakrës. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
