Për shumëkand mëngjesi asht mjaftueshëm i vështirë, për vet faktin që duhet me u zgju e me e lanë shtratin e jorganin e nxehtë e me u ballafaqu me botën ende pa u kthjellë mirë. E edhe ma e zorshme asht me gjetë vullnetin me përgatitë diçka, sidomos nëse asht e komplikume.
Që me ta kursy kohën n’mëngjeset e hershme, t’përngutshme e dembele, ne kësaj radhe e kemi përzgjedhë 1 qull tërshane me mollë t’cilin mundesh me e përgatitë brenda pak minutave n’mramje e me e pasë t’gatshëm për mëngjes. E listës t’tonë për receta tërrshane po i shtohet 1 kombinim tjetër fantastik që përmbanë mollë dhe fruta arrore.
PËRBËRËSIT (servimi për 4):
200 gr tërrshanë (4 x 50 gr)
4 molla t’grira n’kube (4 x 1 mollë)
2 lugë çaji kanellë (4 x 1/2 lugë)
4 lugë t’mesme sheqer i kafët (4 x 1 lugë)
4 lugë t’mesme kakao (4 x 1 lugë)
160 ml qumësht (4 x 40 ml)
4 lugë gjelle thana/brusnica t’thata (4 x 1 lugë)
4 lugë gjelle arra t’copëtume (4 x 1 lugë)
4 lugë gjelle kompot i bluar molle (4 x 1 lugë)
HAPI 1:
Shto n’gota xhami ose n’teglla tërshanën bashk me erëzat dhe sheqerin.
Mundesh me e lexu edhe…
HAPI 2:
Shto sipër secilës gotë arrat e copëtume dhe thanat.
HAPI 3:
Shto n’secilën gotë kompotin e mollës e pastaj qumështin.
HAPI 4:
Me lugë përzije masën mirë, mbylle me kapak dhe vendose n’frigorifer.
REZULTATI:
Leje qulln me qëndru i ftohtë n’frigorifer deri n’mëngjes dhe t’nesërmen servoje n’pjatë me pak arra dhe kubëza molle sipër e shijo. Kjo recetë asht ideale poashtu me e marrë me vehte për punë, me ua ba gati fëmijëve për shkollë e pse jo me u konsumu edhe pas ushtrimeve, veçanarisht nëse ushtron herët n’mëngjes. E njësoj sikurse edhe qulli proteinik i tërrshanës me banane, edhe kjo recetë definitivisht ka me t’pëlqy po e provove.
Gati n’dakik e ke edhe rekomandimin tonë për super-mëngjeset e shijshme, e që asht qulli i nxehtë i tërrshanës me boronica, i cili pos i lehtë n’përgatitje e fort i shijshëm, nuk don as harxh shumë. Pra, ky kombinim asht sa ekonomik, aq edhe praktik e simpatik.
E nëse je n’disponim me provu receta t’tjera për mëngjes, por që përgatiten me ve, mos e le pa e provu fritatta-n me spinaq dhe tomatina, ose muffin vezët me spinaq, kërpudha dhe djathë. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
