Kushdo që asht merakli i ushqimit e kupton merakun për me e zbulu nji recetë t’re, autentike e interesante që rrallëkush e përgatitë, por që përgatitet lehtë. E ne jemi pikërisht nga ata njerëz që nuk pritojmë hiç me gjetë receta t’tilla, sidomos nëse janë t’shijshme, t’shëndetshme dhe ekonomike. Andaj, edhe kësaj radhe kemi ardhë me nji t’tillë.
Nëse je merak n’pasta-sallata dhe je n’kërkim t’shijeve t’reja e unike, atëherë DUHESH me e provu super-sallatën me dredhëza dhe rukollë – sallatë kjo e t’lehtë me u përgatitë, por edhe fort e shijshme dhe që mundesh me e pasë gati brenda pak minutash, me shumë pak harxh e veç n’2 hapa t’thjeshtë.
PËRBËRËSIT PËR SALLATË:
500 gr dredhëza (t’pastruara mirë)
200 gr rukollë
100 gr arra pakan / arra t’zakonshme
70 gr djathë feta (i grirë)
½ grusht borzilok
PËRBËRËSIT PËR DRESSING:
½ gotë vaj ullini
3-4 dredhëza
¼ gotë uthull vere t’bardhë / uthull
¼ qepë e kuqe e njomë
1 e ½ lugë çaji mustardë / senf
1 lugë gjelle ujë
2 lugë çaji mjaltë
Kripë dhe biber i zi (Opsionale)
HAPI 1:
Shto t’gjithë përbërësit e dressing-ut n’blender e bluji mirë deri sa t’krijohet nji masë rozë e njitrajtshme.
HAPI 2:
Vendosi përbërësit e sallatës n’nji enë t’thellë, shto dressing-un dhe përziji mirë e servo.
REZULTATI:
Servoje sallatën me dredhëza dhe rukollë si paragjellë apo pjatë shoqnuese n’çfarëdo mbledhie, veçanarisht kur organizon ditëlindjet, festat e ahengjet familjare. Poashtu, meqë asht sallatë mundesh me përgatitë ma shumë e pastaj me e rujtë pjesën e mbetun n’frigorifer – mjafton veç dressing-un mos me ja shtu deri n’momentin që don me e servu sallatën. Kësisoji 2 ditë mundesh me e konsumu sallatën, besa edhe me e marrë me vehte n’punë për pauzë.
E mbasi veç jemi te sallatat interesante dhe unike kurdo që je n’disponim, mos e le pa e provu edhe pasta-sallatën me dredhëza, sallatën me sos tahini, panzanella-n (sallatën krokante italiane), ose sallatën me tortellini; receta këto ideale për periudhën pranverë-verë e që definitivisht kanë me t’pëlqy shumë. Shijo! /katror.info/
Përgatiti:
