Kushdo që punon e që i bjen shpesh me dreku jasht e din sa shpejtë harxhohen idetë edhe mundësitë për me porositë diçka t’shijshme, jo fort t’shtrejtë e që nuk t’bahet bajat. Biles, me çmimet n’rritje e sipër, çdo herë e ma shumë po lindë nevoja me u ushqy, por pa harxhu shumë. E mira e t’mirës kish me qenë me marrë ushqimin me vehte prej shtëpisë. Megjithatë, jo çdoherë kemi kohë a mundesi me përgatitë sot për nesër. Me e thanë shkurt e shqip: diijmë me u dembelavë nga pak.
E shpejtë, e lehtë dhe jo fort e kushtushme asht receta për sallatën me qiqra; versionin vegjetarian t’sallatës me tunë, të cilën mundesh me e përgatitë edhe nëse nuk je naj farë kuzhinieri/e e me marrë me vehte për pauzë. Mjafton me i ndjekë disa udhëzime t’thjeshta.
PËRBËRËSIT:
300 gr qiqra t’konservume
2 trupa selino (t’prera imët)
1 qepe (e prerë imët)
2 lugë tahini
Lëkura dhe langu i ½ limoni
¼ gotë jogurt grek
1 lugë gjelle mustardë Dijon
¼ lugë çaji kripë
¼ lugë çaji biber i zi
2 lugë gjelle kopër (t’imtësum)
Mundesh me e lexu edhe…
PËRGATITJA:
Shto qiqrat e kulluara mirë n’nji enë t’thellë dhe shtypi me piru deri sa t’krijohet nji masë si përshesh. Shto qepën dhe selinon, erëzat, tahinin dhe jogurtin grek, korpin e prerë dhe përzije masën mirë deri sa t’krijohet nji masë e njitrajtshme.
REZULTATI:
Kjo sallatë asht ideale për me kriju nji “tuna sanduic” vegjetarian. Mjafton me i rreshkë 2 rriska buke, me i ly me miksin e krijum me qiqra e me e shiju. Biles, edhe për pauzë asht receta perfekte për ty që je vegjetarian/e.
Pshtjelle me folie alumini, vendose n’frigorifer dhe provo me i rezistu sanduiçit e mos me e hangër para se me u ba koha e pauzës! Shijo! /katror.info/
Sanduiçin mundesh me e shoqnu me nji lang t’freskët t’mollës t’gjelbër t’cilin mundesh me e përgatitë vet sa hap e mbyll sytë, me e paketu n’shishe t’xhamit e me marrë me vehte njilloj sikurse sanduiçin.
E mbasi veç jemi te sanduiçët e shijshëm, t’mirë, t’lehtë e t’përshtatshëm për pauzë, mos e le pa i provu edhe 4 sanduiçat tanë t’cilët mundesh me i marrë me vehte n’punë. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
