Kushdo që asht merakli i kafes e çajit e din që këto t’dyja ma s’miri shkojnë kur i shoqnon me diçka t’ambël e t’lehtë n’shije. Keksat e kekët e ndryshëm patjetër që zajnë vend t’veçantë n’tavolinën e shtume me çaj a kafe, veçanarisht kur presim mysafir, veçanarisht ato t’inspirume prej recetave autentike italiane
Keku me vaj ullini dhe limon asht nji prej kekëve me klasik t’kuizinës italiane t’cilën secili merakli/ke i/e ushqimit DUHET me e provu t’paktën 1 herë. E që nuk don fort punë që me u shoqnu me pijet e nxehta e dëshmojnë 3 hapat tanë t’thjeshtë dhe harxhi i pakët.
PËRBËRËSIT:
1 e ¼ gotë miell
⅔ gotë sheqer
½ lugë çaji pecivë / pluhun për pjekje
¼ lugë çaji sodë buke / sodë bikarbon
¼ lugë çaji kripë
⅔ gotë vaj ullini
½ gotë jogurt grek
2 ve
3 lugë lang limoni
Lëkura e 1 limoni (e grirë)
HAPI 1:
Paraprakisht nxehe furrën n’180 C, e pastaj merr miellin, sheqerin, sodën e bukës, pecivën, kripën dhe përziji mirë n’nji enë t’thellë. Shto vezët dhe jogurtin bashk me vajin e ullinit.
Mundesh me e lexu edhe…
HAPI 2:
Me tel për përzirje përzije masën deri sa t’krijohet nji masë e njitrajtshme. Shto langun e limonit dhe lëvoren e imtësume, përzije masën mirë.
HAPI 3:
Vendose masën n’tepsi rrethore për kek t’cilën e ke ly me pak vaj ullini dhe brushë dhe vendose tepsinë n’furrë për 30-35 minuta. Largo tepsinë prej furrës kur korja t’ketë marrë ngjyrë t’artë dhe leje me u ftohë për 45 minuta. Largo prej tepsisë dhe servo.
REZULTATI:
Servoje kekun me pak sheqer pluhun sipër, shllag ose jogurt grek dhe mjedra t’freskëta dhe shoqnoje me nji filxhan kafe a çaj. Poashtu, kurdo që ke kohë, mos e le pa e provu edhe kekun me limon t’cilit kërkush s’i reziston, e pse jo edhe keksat me limon – nëse e ke merak shijen dhe aromën e limonit. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
