“Prosciutto di melone” ose n’shqip e njohun si pjepën me proshutë padiskutimisht asht nji prej recetave ma t’famshme e ma t’përdorshme t’kuzhinës italiane përgjatë sezonës verore, por edhe asaj mediterane e që zakonisht shërbehet si paragjellë apo shoqnuese e aperitivëve sikurse Aperol Spritz-i, Campari Spritz-i etj, por edhe verërave t’ndryshme. Këto n’veçanti përgatiten dhe servohen gjatë ditëve t’nxehta t’verës, njilloj sikurse edhe sallata kapreze.
Ambëlsia e pjepnit, njelbësia e proshutës, butësia dhe shija e pasun e mocarellës si dhe freskia e aroma e borzilokut janë 4 përbërësit kyç pse ne po t’rekomandojmë që herën tjetër kur don me ja shtre ndejës me ushqim dhe pije, mos me e lanë pa i provu edhe shkopthat e pjepnit me proshutë, t’cilat brenda 1-2 minutave mundesh me i pas’ gati.
PËRBËRËSIT (servimi për 4 persona):
200 gr pjepën (i prerë n’kube mesatare)
200 gr toptha mocarelle
100 gr proshutë e tymosun (e prerë n’rriska super t’holla)
1 grusht gjethe borziloku
PËRGATITJA:
Merr shkopthat e koktejeve / rrëmojset / shkopthat e skarës dhe vendos fillimisht 1 kub pjepën, pastaj 1 rriskë proshutë dhe 1 gjethe borzikolu sipër e krejt n’fund 1 topth mocarelle. Vazhdo me t’njejëtën procedurë deri ta shkopthat t’mbushen me harxh. Servo!
Servoji shkopthat e pjepnit me proshutë qysh ti e preferon e shijoji ato bashk me ndonji pije a koktell – ne po ta rekomandojmë me e kombinu këtë pjatë me 1 Prosecco Spritz me shegë. Ngjashëm mundesh me e përgatitë edhe pasta-sallatën kapreze, apo edhe brusketat kapreze – ushqime këto t’cilat mundesh me i përdorë si paragjellë, me i përgatitë për ndonji drekë a darkë, e pse jo edhe me i përgatitë ato n’vend t’mezës kur je n’disponim me pi nji gotë venë a raki.
E nëse ke qejf me ditë ma shumë për kuizinën italiane, lexo se cilat janë 5 faktet ma interesante t’kuzhinës italiane. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
