Smoothie-t ekzotike padyshim që janë ndër pijet ma t’shijshme e ma interesante me u konsumu, veçanarisht nëse frutat dhe përbërësit kombinohen mirë. Andaj, kur po bijmë n’receta t’mira ekzotike – patjetër që po i ndajmë edhe me ty ato.
Smoothie ekzotik me mango dhe banane asht nji prej kombinimeve ma t’lehta e ma t’mira për mëngjeset kur priton me përgatitë e me harxhu shumë kohë. Mjafton me pas’ pak harxh e 2 minuta kohë, si dhe me i ndjekë udhëzimet tona.
PËRBËRËSIT:
1 e 1/2 banane
100 gr mango (e ngrirë)
1/2 gotë jogurt
1 gotë qumësht
PËRGATITJA:
Shto të gjithë përbërësit n’blender. Bluje masën deri sa t’bahet e njitrajtshme dhe servo n’gotë.
Mundesh me e lexu edhe…
REZULTATI:
Servo smoothie-n n’gotë, dekoroje me rriskë bananeje e konsumo menjiherë, ose fute n’shishe xhami n’frigorifer e konsumo brenda 3 ditëve. Ngjashëm ti mundesh me e përgatitë edhe smoothie-n klasik me mango dhe karrotë – po pate qejf n’smoothie pak ma t’ambël sesa kjo.
E kurdo të t’kesh kohë ne t’rekomandojmë me e provu edhe mos e le pa e provu edhe smoothie-n me boronica dhe mango, ose smoothie-n me dardhë dhe mango – ku secila prej këtyre kombinimeve shijon shumë, asht ushqyese dhe përgatitet n’dakik. Ndërkaq për nji ditë super-energjike, smoothie me gjalpë kikiriku e banane asht kombinimi që s’ban me t’ikë pa e provu. Shijo/ katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
