Trendet e reja t’ushqimit po bahen virale n’rrjete sociale e po na shtijnë edhe neve me lakmu n’to, me eksperimentu e me dekoru pjata. Fundja, asht e vërtetë që njeri han edhe me sy. Pra, kur ta don syni, ta don edhe barku – normalisht, nëse vërtetë ushqimi shijon.
Me festat e fundvitit t’u u afru, edhe meraku për dekore niset e zgjohet. Kështu, nëse ke merak me i servu ushqimet bukur edhe për t’tjerët, trëndafili “viral” prej avokados asht nji prej dekoreve ushqimore që definitivisht nuk ka me t’zhgënjy. Madje, t’sigurojmë që ke me i lanë gojë-hapun edhe t’tjerët me shkathtësitë e tua “t’avancume” n’dekorimin e mezeve.
Krejt çka t’nevojitet asht 1 gotë e çfarëdoshme (ne ta sygjerojmë 1 gotë me shtikëll – meqë manovrohet ma lehtë gjatë rrotullimit) dhe rriska t’suxhukut t’Bosnjes t’prerë shumë hollë. Për këtë arsye t’i sygjerojmë rriskat e blera tgatshme t’prera, meqe asht ma lehtë me punu me to.
N’dërrasë për premje poziciono rriskat e suxhukut dhe gotën dhe fillo me i ndjekë hapat e maposhtëm.
Mundesh me e lexu edhe...
HAPI 1:
Sipër qofsheve t’gotës shto 1 rriskë suxhuku dhe paloje gjysmën e suxhukut brenda gotës e gjysmën jasht. Sipër rriskës t’parë, shto duke fillu prej mesit t’rriskës rriskën tjetër. Pra, 1/2 e rriskës mbulohet me rriskën e dytë e kështu vazhdo me rriskat tjera.
HAPI 2:
Sigurohu që rriskat i ke pozicionu mirë sipër njana tjetrës dhe që e ke respektu hapësirën ku gjysma e njanës e mbulon gjysmën tjetër dhe shiko nëse ka apo jo nevojë me shtu ma shumë suxhuk. 8-10 rriska ish dasht me mjaftu.
HAPI 3:
Me kujdes rrotulloje gotën n’dërrasën për premje apo edhe direkt n’pjatën a dërrasën për meze. Largo gotën ngadalë.
REZULTATI:
Këta trëndafila mundesh me i servu n’cilëndo pjatë që ke dëshirë e me i shoqnu me çfarëdo lloj ushqimi tjetër. Kombinimet ma t’mira janë ato ku shton lloje t’djathërave, t’frutave, keksave t’njelbët e reçelave t’ndryshëm sikurse janë reçeli me dredhëza dhe sosi me boronica (dy receta që mundesh n’shtëpi me i ba). Shembulli ma poshtë e ilustron këtë ma s’miri:
Inspirohu edhe nga 4 idetë tona se çka mundesh me përgatitë kur gostitë mysafirë dhe mëso krejt çka t’duhet me ditë e me përgatitë kur pret mysafirë. Poashtu, njilloj sikurse trëndafilin prej suxhuku, ti mundesh me e përgatitë lehtësisht edhe mezen kurorë – meze kjo që ta kënaqë edhe synin, edhe barkun. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
